ზუგდიდის #4 საჯარო სკოლის მოსწავლეებმა განახორციელეს საკლასო პროექტი საგზაო უსაფრთხოების შესახებ. პროექტის მიზანი იყო საზოგადოების ცნობიერების დონის ამაღლება საგზაო მოძრაობის წესებზე. მოსწავლეებმა სკოლის მასშტაბით გამოკითხვა ჩაატარეს, რის შედეგადაც გაირკვა, რომ მათი უმრავლესობა არ ფლობს ინფორმაციას საგზაო ნიშნების შესახებ.

აქციის მონაწილეები აღნიშნულთან დაკავშირებით, ტრენინგების, საჯარო ლექციების, გამოკითხვის,საინფორმაციო შეხვედრას საპატრულო სამსახურის წარმომადგენლებთან, საინფორმაციო ბუკლეტების დამზადება-გავრცელებასა და აქციას ქვეითთა გადასასვლელთან გეგმავენ. აქციას ქვეითთა გადასასვლელთან შეუერთდნენ ადგილობრივი საპატრულო პოლიციის წარმომადგენლები, რომლებიც მოსწავლეების თხოვნის საფუძველზე საპატრულო პოლიციის ხელმძღვანელობამ გამოყო.

პროექტი განხორციელდა სამოქალაქო განათლების პროგრმა "მომავლის თაობის" ფარგლებში. აღნიშნულ პროგრამას საქართველოში ამერიკის შეერთებული შტატების საერთაშორისო განვითარების სააგენტოს (USAID) ფინანსური მხარდაჭერით PH International ახორციელებს, ხოლო სამეგრელოს რეგიონში მისი პარტნიორი ორგანიზაციაა ასოციაცია "ათინათი".