ზუგდიდის კულტურის ცენტრ "ოდიშში" საახალწლო შოუ ჩატარდა. კონცერტში ადგილობრივი მომღერლები და "ნიჭიერის" ნახევარფინალისტები მონაწილეობდნენ.

"ბიბლიოთეკაში ინიციატივა მკითხველების მხრიდან შევიდა, ჩემგან და ჩემი ერთი მეგობრისგან, რომ ასეთი ლამაზი საღამო გამოსულიყო", - აღნიშნა ერთ-ერთმა ორგანიზატორმა "ნიჭიერი 2017"-ის მონაწილე ბექა ლაგვილავამ.

შემსრულებლებმა მაყურებლებს დამდეგი ახალი წელი მიულოცეს და მადლობა გადაუხადეს.

ღონისძიებაზე დასწრება უფასო იყო. კონცერტის მთავარი მხარდამჭერი კი ქალაქ ზუგდიდის ცენტრალური ბიბლიოთეკაა.