აფხაზეთში დისლოცირებული რუსული სამხედრო ბაზის საინჟინრო-გამნაღმველი ქვედანაყოფის სპეციალსტებმა წებელდისა და ნაღვალოუს სამხედრო ბაზის ტერიტორიაზე აუფეთქებელი საბრძოლო მასალის გაწმენდა დაიწყეს. ამის შესახებ, სამხრეთის სამხედრო ოლქის პრეს - სამსახური იტყობინება. აფხაზური მედიის ცნობით, აღნიშნული ტერიტორიის ფართობი 12 ჰექტარს შეადგენს და მისი უდიდესი ნაწილი ძნელად მისადგომ, მთა - გორიან ადგილებშია განლაგებული.

სამუშაოების შესრულებისას, სამხედროები არაკონტაქტურ ასაფეთქებელ მოწყობილობას „კორშუნს“ გამოიყენებენ. ამავე ინფორმაციით, მთელმა პირადმა შემადგენლობამ, რომელიც ჩართულია პოლიგონის გასაწმენდ ღონისძიებებში, რუსეთის სამინისტროს სპეციალურ სასწავლო ცენტრებში გაიარა მომზადება.