ზუგდიდის სოფელ რუხში გამართულ „ხაჭაპურის ფესტივალზე“ სხვადასხვა სახეობის ხაჭაპურის მომზადებაში გამარჯვებული მცხობელები დაასახელეს. ისინი სპეციალურმა ჟიურიმ შვიდ ნომინაციაში გამოავლინა.

გამარჯვებულთა სია ასე გამოიყურება:

მომავლის ხაჭაპური - კოლეჯი “ახალი ტალღა”

ვიზიტორთა რჩეული ხაჭაპური - საცხობი „ოკო“

ყველაზე სწრაფი მცხობელი- რესტორანი „გარდენ პალასი“

საუკეთესო მცხობელი - ნელი ბოჭორიშვილი

მეგრული სამზარეულოს განუმეორებელი გემო - ბელა კუპრავა

ხაჭაპურის საუცხოო ვარიაცია - რესტორანი „მენძელი“

საუკეთესო ხაჭაპურის - რესტორანი „შინდაგორი“

კონკურსის ფარგლებში სხვადასხვა სახეობის და ფორმის ხაჭაპურები მომზადდა. მათ შორის, თაფლით, ჭინჭრით, ჭარხლით, მწყრის ხორცით და მაყვლით.

გარდა ამისა, სტუმრებს 3 მეტრიანი გებჟალიას და 4 მეტრიანი ხაჭაპურის დამზადების პროცესის ნახვა და დაგემოვნება შეეძლოთ.

ღონისძიებაზე ასევე მოეწყო ეკოლოგიურად სუფთა და უნიკალური ადგილობრივი პროდუქციის გამოფენა-გაყიდვა (თაფლი, ყველი, თხილი და სხვა).

"ხაჭაპურის ფესტივალი" სამეგრელო-ზემო სვანეთის დანიშნულების ადგილის მართვის ორგანიზაციის (DMO) ორგანიზებით და USAID პროექტი "ზრდას", საქართველოს ტურიზმის ეროვნული ადმინისტრაციის, რუხის სავაჭრო ცენტრის, საქართველოს გასტრონომიის ასოციაციის და რეგიონული ხელისუფლების მხარდაჭერით განხორციელდა.