ახალი ამბები
ზუგდიდის საკრებულოს საჯარო ინფორმაციის გაცემის საუკეთესო მაჩვენებელი აქვს - IDFI-ს კვლევა
ზუგდიდის მუნიციპალიტეტის საკრებულო საჯარო ინფორმაციის ხელმისაწვდომობის ყველაზე მაღალი მაჩვენებლების მქონე საჯარო დაწესებულებათა შორისაა. ინფორმაციის თავისუფლების განვითარების ინსტიტუტის (IDFI) 2021 წლის კვლევის შედეგების მიხედვით, ადგილობრივ საკრებულოს საჯარო ინფორმაციის ხელმისაწვდომობის 100%-იანი შედეგი აქვს. იგივე მაჩვენებელი აქვს ფოთის და მარტვილის საკრებულოებსაც. 

"საკრებულოს მიერ დაცული იყო კანონით განსაზღვრული ინფორმაციის გაცემის 10-დღიანი ვადა და გაცემული ინფორმაცია შეფასდა როგორც სრულყოფილი", - აღნიშნულია გავრცელებულ ინფორმაციაში.

ორგანიზაციის ანგარიშის მიხედვით კვლევა 285 საჯარო დაწესებულებაში ჩატარდა და 13 ყველაზე ღია საჯარო დაწესებულება დაჯილდოვდა.

საქართველოში საჯარო ინფორმაციის ხელმისაწვდომობის მონიტორინგს IDFI 2010 წლიდან ახორციელებს.
Print