ოჩამჩირის რაიონში მომხდარ ხანძარს მსხვერპლი მოჰყვა. ინფორმაციას აფხაზეთის დე ფაქტო რესპუბლიკის საგანგებო სიტუაციების სამინისტრო ავრცელებს. ამავე ცნობით, ცეცხლი სოფელ ჭლოუში მდებარე სახლს გაუჩნდა.

"საგანგებოში" შეტყობინება დილის საათებში შევიდა, თუმცა მეხანძრე - მაშველების მისვლამდე, სახლი მთლიანად დაიწვა.


ხანძრის შედეგად, 60 წლის ქალი დაიღუპა. მომხდარის მიზეზები ჯერჯერობით დაუდგენელია.