მესტიის მუნიციპალიტეტის მერია აეროპორტთან მიმდებარე 1.6 კმ საავტომობილო გზის მონაკვეთის განათების სამუშაოებისთვის 547 807 ლარს გამოყოფს.

შესაბამისი სატენდერო პროექტით, გამარჯვებულმა კომპანიამ სამუშაოების შესრულებისას უნდა გაითვალისწინოს განათების დანადგარების ეკონომიურობა და ელექტროენერგიის რაციონალური ხარჯვა. ასევე, პრეტენდენტს აუცილებლად უნდა ჰყავდეს შესაბამის სფეროში საინჟინრო განათლების მქონე მინიმუმ - 2 სპეციალისტი, სპეციალობით მუშაობის არანაკლებ 5 წლიანი გამოცდილებით.

ტენდერში წინადადებები 19-დან 24 ივლისის ჩათვლით მიიღება. გამარჯვებული კომპანია ვალდებულია ხელშეკრულების დადებიდან 4 თვეში შეასრულოს ნაკისრი ვალდებულებები.