13 ივლისს მესტია "მთის დღეებს" ისევ უმასპინძლებს. ინფორმაციას მესტიის მუნიციპალიტეტის მერია ავრცელებს.

ამავე ცნობით, ფესტივალი სხვადასხვა სანახაობას შესთავაზებს სტუმრებს, მათ შორის, ადგილობრივი მეწარმეების პროდუქციის გამოფენა - გაყიდვას, ტრადიციული კერძების დეგუსტაციას, შემეცნებით - გასართობ თამაშებს და შეჯიბრებებს.

დღის განმავლობაში გამართულ კონცერტებში მონაწილეობას მიიღებენ ანსამბლები „რიჰო“, „შვიდკაცა“, ჯგუფი „რეზო და ბავშვები“, კვარტეტი „ჰერიო“.

ღონისძიების ფარგლებში გაიმართება დაჯილდოების ცერემონია - "მთის დღეები 2024".

ფესტივალი, მთავრობის ადმინისტრაციის ორგანიზებით, წელსაც, მესტიაში, უღვირის ტბასთან ჩატარდება.

"მთის დღეები 2023" მესტიაში გასულ წელს 22 ივლისს გაიმართა.