განმუხურში, მდინარე ენგურში მაშველები 15 წლის მოზარდს ეძებენ.

ძებნის სამუშაოები ასევე ჯუმის შესართავთან მიმდინარეობს.

როგორც რადიო ,,ათინათს’’ ზუგდიდის საგანგებო სიტუაციების მართვის დეპარტამენტში განუცხადეს, საძიებო სამუშაოები ოპერატიულად, 112-ში ზარის შესვლისთანავე დაიწყო. მათივე ცნობით, სამუშაოებში ჩართულია ყველა შესაბამისი სამსახური.

,,შეტყობინება შემოვიდა ოთხის თხუთმეტ წუთზე, ზუგდიდის და ფოთის სამაშველო ჯგუფი ეძებს მოზარდს მდინარე ენგურის შესართავთან’’, - გვეუბნება ზუგდიდის სახანძრო სამაშველო განყოფილების თანამშრომელი.

გავრცელებული ინფორმაციით, მოზარდი ანაკლიაში სტუმრად იმყოფებოდა.