უახლოეს დღეებში (20-22 აგვისტო) დასავლეთ საქართველოში ცხელი და უნალექო ამინდია მოსალოდნელი. ამის შესახებ ინფორმაციას გარემოს ეროვნული სააგენტო აქვეყნებს.

სინოპტიკოსები განმარტავენ, რომ ცხელი ამინდის ფონზე, ზუგდიდში და მარტვილში ტემპერატურა  +36 +38, ანაკლიასა და ფოთში კი - +32, +35 გრადუსი იქნება.

რაც შეეხება ზემო სვანეთს, მესტიაში ჰაერის ტემპერატურა დღისით +30, +32 გრადუსამდე მოიმატებს.