ზუგდიდში, აღმაშენებლის ქუჩაზე ავტოსაგზაო შემთხვევა მოხდა. ერთმანეთს მიკროავტობუსი და მსუბუქი ავტომობილი შეეჯახა.

რადიო "ათინათის" ინფორმაციით, მიკროავტობუსში მგზავრები მსუბუქად დაშავდნენ და ისინი სასწრაფო დახმარების ბრიგადამ საავადმყოფოში გადაიყვანა. მგზავრების მდგომარეობა სტაბილურია. 

ადგილზე მობილიზებულია სახანძრო-სამაშველო ჯგუფები და პოლიციის ეკიპაჟები. ავტომობილებით გადაადგილება კი დროებით შეზღუდულია.