უკრაინაში ომს კიდევ ორი ქართველი მებრძოლის სიცოცხლე ემსხვერპლა. დაღუპულების შესახებ ინფორმაციას უკრაინაში მებრძოლი ქართველები ავრცელებენ.

"სამწუხაროდ, ორი ქართველი, ორი მაგარი მეომარი დავკარგეთ გუშინ - დავით დვალიშვილი და მამუკა ბერია. ბიჭებმა ყველაფერი გააკეთეს რომ წინა ხაზიდან გამოეყვანათ წუხელ ღამე. დიდება ბრძოლაში დაცემულ გმირებს", - წერს ვანო ნადირაძე ფეისბუქზე.

არსებული ინფორმაციით, მებრძოლები 5 თებერვალს დაიღუპნენ.

2022 წლის 24 თებერვლიდან, რუსეთის უკრაინაში ფართომასშტაბიანი შეჭრიდან, საომარ მოქმედებებს 60 - ზე მეტი ქართველის სიცოცხლე ემსხვერპლა.