ზუგდიდის ინფექციური საავადმყოფოს ლაბორატორიაში, რეგიონის მასშტაბით აღებული, 61 ბიოლოგიური ნიმუში გამოიკვლიეს, მათგან 14 პირს კორონავირუსი დაუდგინდა. სამეგრელო-ზემო სვანეთის გუბერნატორის მოვალეობის შემსრულებლის მალხაზ თორიას ცნობით, 3 შემთხვევა დაფიქსირდა ზუგდიდში, 6 - ფოთში, 1- გალში, ხოლო 2-2 შემთხვევა სენაკსა და ჩხოროწყუში გამოვლინდა.

„ზუგდიდის შემთხვევებიდან, 2 უკვე დადასტურებული შემთხევვის კონტაქტტია, ხოლო 1 -ის დაინფიცირების წყაროს დადგენა მიმდინარეობას. ფოთთან მიმართებაში კი ყველა დადასტურებული შემთხვევის კონტაქტია. 2 შემთხევვაა სენაკში, რომელთაგან 1 უკვე გამოვლენილი შემთხვევის კონტაქტია, ხოლო მეორეს ინფიცირების წყაროს დადგენა მიმდინარეობს. ასევე, ჩხოროწყუში მიმდინარეობს წყაროების მოიება. 1 შემთხვევა უკავშირდება ოკუპირებული აფხაზეთის უკვე დადასტურებულ კონტაქტს. მიმდინარეობს ახალი შემთხვევების კონტაქტების გამოკვლევა და ღრმა ეპიდემიოლოგიური კვლევა“, - განმარტა თორიამ.

სულ რეგიონში მცხოვრებ ინფიცირებულთა რაოდენობა შეადგენს 231 მოქალაქეს. რეგიონის მასშტაბით საკარანტინე სივრცეში 131 ადამიანი იმყოფება.