ქუთაისის, წყალტუბოს, ზუგდიდისა და ფოთის დევნილთა ჩასახლებებში ბიომრავალფეროვნების საერთაშორისო დღესთან დაკავშირებით, სემინარები და სხვადასხვა აქტივობები ჩატარდა.

ღონისძიებები პროექტის "ზომების გატარება იძულებით გადაადგილებულ პირთა თემების სოციალურ-ეკონომიკური ინტეგრაციისათვის" ფარგლებში გაიმართა.

შეხვედრები, ამავე პროექტის ფარგლებში ჩამოყალიბებულ, ორგანიზაციებში: სხივი 2015", "ინტერ ჯგუფი" და "ერთსულოვნება" შედგა. დასახელებული ორგანიზაციების მთავარი მიზანია დევნილთა საცხოვრებელი გარემოს გაუმჯობესება და მათი ჩართულობა სამოქალაქო აქტივობებში. პროექტს , მუნიციპალური განვითარების ფონდისა და გერმანიის რეკონსტრუქციისა და განვითარების ბანკის ფინანსური მხარდაჭერით, ასოციაცია "ათინათი" ახორციელებს.