„ირაკლი ალასანია- თავისუფალი დემოკრატების“ ზუგდიდის მაჟორიტარი დეპუტატობის კანდიდატი ირაკლი ჩიქოვანი მთავრობის აქტივისტების მიერ პირობითი მსჯავრის ქვეშ მყოფი ადამიანების და მართვის უფლება შეწყვეტილი მძღოლებს ამნისტიას შესახებ პირობის მიცემის შესახებ საუბრობს.

ამის შესახებ ირაკლი ჩიქოვანმა პარტიის ოფისში ბრიფინგი გამართა, სადაც განაცხადა, რომ "ქართული ოცნების" აქტივისტები პრობაციონერების ოჯახის წევრებსა და ახლობლებს დაპირების სანაცვლოდ არჩევნებზე მმართველ გუნდისთვის მხარდაჭერისკენ მოუწოდებდნენ.

„ ეს არის ჩვეული მეთოდი, რომელსაც ხელისუფლება იყენებს საკუთარი ხმების მობილიზებისთვის,“- აღნიშნა მან.

ირაკლი ჩიქოვანი სასჯელაღსრულებისა და პრობაციის მინისტრს კახი კახიშვილსა და შინაგან საქმეთა მინისტრს გიორგი მღებრიშვილს მოუწოდებს პირად კონტროლზე აიყვანონ ზუგდიდში მიმდინარე აღნიშნული პროცესი და ამასთან დაკავშირებით შესაბამისი განმარტებები გააკეთონ.