საქართველოს ყოფილი პრეზიდენტი მიხეილ სააკაშვილი სოციალურ ქსელში ვიდეო მიმართვას ავრცელებს. ვიდეო რგოლში  სააკაშვილი სამეგრელოს მოსახლეობას ჰპირდება იმ გეგმების განხორციელებას, რომელიც 2012 წელს შეწყდა. ყოფილი პრეზიდენტის თქმით, მისი დიდი ოცნებაა, საქართველოს მომავალი უკავშირდებოდეს სამეგრელოს.

„ხალხს კრედიტების გასტუმრებას დაჰპირდნენ,არ გაუსტუმრეს,ლარის კურსთან ერთად ამ კრედიტების გასტუმრება აერია ხალხს, ინფრასტრუქტურა ისევ მოიკოჭლებს. სამეგრელო უნდა გახდეს ლოკომოტივი და თითეული თქვენგანი ამ ლოკომოტივის მემანქანე, საქართველოს ჭაობიდან გამოყვანის და მომავლისკენ სწრაფი სვლის. ამას შევძლებთ თუნდაც იმიტომ, რომ თითეული თქვენგანი ძალიან მენატრება, თუნდაც იმიტომ, რომ მინდა დავბრუნდე ჩემს ანაკლიაში, თუნდაც იმიტომ, რომ მთელი სანაპირო ზოლი მაქვს გასავითარებელი,“- აღნიშნულია მიმართვაში.