პარტია "ახალის" წევრმა ზუგდიდის საკრებულოდან მაია კალანდიამ მერიის საბიუჯეტო-საფინანსო და შესყიდვების სამსახურის უფროსს მურთაზ ბოკუჩავას მისი საქმიანობისა და შვილების "სწორ მხარეს" დგომისთვის მადლობა გადაუხადა. როგორც კალანდიამ ზუგდიდში გამართულ აქციაზე სიტყვით გამოსვლისას თქვა, საუბარია საჯარო მოხელის შვილების თბილისში "აგენტების" კანონის საწინააღმდეგო აქციებში მონაწილეობაზე. "მადლობა გიხდით მრავალწლიანი საქმიანობისთვის, რომ ასე ერთგულად და პრინციპულად ემსახურებით ქვეყანას, როდესაც შვილები სწორ მხარეს დგანან, ეს იმას ნიშნავს, რომ ყვლაფფერი კარგად არის", - მიმართა კალანდიამ ბოკუჩავას საკრებულოს სხდომაზე 2023 წლის ბიუჯეტის შესრულების ანგარიშის წარდგენის შემდეგ. 

ზუგდიდში მოქმედი სხვადასხვა არასამთავრობო ორგანიზაციის წარმომადგენლები და სამოქალაქო აქტივისტები "აგენტების" კანონის საწინააღმდეგო პოსტერებით საკრებულოს სხდომაზე დღის ორ საათზე მივიდნენ. პროტესტს სხდომაზე და სხდომის დასრულების შემდეგ "ქართულ ოცნებასა" და არასამთავრობო სექტორს შორის ხმაური და დაპირისპირება მოჰყვა.