ახალი ამბები
ზსსუ-ს სტუდენტებმა ზვიად გამსახურდიას ძეგლთან ფიცი დადეს (ფოტო/ვიდეო)
17:30 / 13.05.2024
ზუგდიდის შოთა მესხიას სასწავლო უნივერსიტეტის სტუდენტების ნაწილმა "აგენტების" კანონი საქართველოს პირველი პრეზიდენტის ზვიად გამსახურდიას ბიუსტის მიმდებარედ გააპროტესტა
ისინი ზუგდიდის ბულვარში შეიკრიბნენ, საქართველოსა და ევროკავშირის დროშებით და ბანერით " კი ევროპას, არა რუსულ კანონს".
მათ ხელში ეჭირათ სხვადასხვა შინაარსის საპროტესტო პლაკატები, ტრანსპარანტები.
მათ შეკრების მიმდინარეობისას უნივერსიტეტის განცხადებაც წაიკითხეს.
მათ ასევე დადეს ფიცი და თქვეს, რომ დაიცავენ ქვეყნის ევროპულ გზასა და საქართველოს ტერიტორიულ მთლიანობას.
ამ წუთებში კი სტუდენტები ცენტრალური ბულვარის მიმდებარედ, მათ შორის, გუბერნიასა და მერიასთან მსვლელობას აწყობენ, რათა, როგორც ამბობენ, ადგილობრივ ხელისუფლებას ხმა გააგონონ. ისინი სკანდირებენ: "საქართველო", "აფხაზეთი სამაჩაბლოა", "არა რუსულ კანონს", "კი ევროპას".
რაც შეეხება სტუდენტების ნაწილის სამომავლო გეგმებს, პროტესტანები ამბობენ, რომ ჯერჯერობით დაზუსტებული სამოქმედო გეგმა არ აქვთ, თუმცა პროტესტის გაგრძელებას აპირებენ და მოუწოდებენ უნივერსიტეტის სხვა სტუდენტებს, შეუერთდნენ.
ზსსუ-ს სტუდენტების ნაწილი ქვეყანაში მიმდინარე მოვლენებს დილით გამოეხმაურა და განაცხადა, რომ უნდობლობას უცხადებენ საქართველოს პარლამენტის მიერ დაინიციირებულ კანონპროექტს " უცხოური გავლენის გამჭვირვალობის შესახებ", რომელიც მათი თქმით, არღვევს კონსტიტუციის 78-ე მუხლს და ხელს უშლის ქვეყნის ევროინტეგრაციას, რომლისკენაც მიილტვის საქართველოს მოსახლეობის სრული უმრავლესობა.
ინფორმაციისთვის, პარლამენტის იურიდიულ საკითხთა კომიტეტის სხდომაზე "აგენტების კანონი" მესამე მოსმენით დღეს დილით განიხილეს. მმართველი პარტიის დეპუტატებმა მხარი დაუჭირეს კანონპროექტს და სხდომა რამდენიმე წუთში დასრულდა.
ე.წ აგენტების კანონს პლენარულ სხდომაზე მესამე მოსმენით 14 მაისს განიხილავენ.
ამავე თემაზე:
რუსული კანონით აფხაზეთს ვერ დავიბრუნებთ - აქცია ზუგდიდში (ფოტორეპორტაჟი)
“აგენტების” კანონი კომიტეტმა მესამე მოსმენით მიიღო
ზუგდიდში "აგენტების" კანონის საწინააღმდეგო მორიგი აქცია დასრულდა (ფოტო)
ზუგდიდში "აგენტების" კანონის საწინააღმდეგო მორიგი აქცია დასრულდა (ფოტო)
"აგენტების" კანონი მეორე მოსმენით მიღებულია
ქვარაია, თოლორაია, ბერაია, ხახუბია - "აგენტების კანონის" მხარდამჭერები სამეგრელოდან
ისინი ზუგდიდის ბულვარში შეიკრიბნენ, საქართველოსა და ევროკავშირის დროშებით და ბანერით " კი ევროპას, არა რუსულ კანონს".
მათ ასევე დადეს ფიცი და თქვეს, რომ დაიცავენ ქვეყნის ევროპულ გზასა და საქართველოს ტერიტორიულ მთლიანობას.
ამ წუთებში კი სტუდენტები ცენტრალური ბულვარის მიმდებარედ, მათ შორის, გუბერნიასა და მერიასთან მსვლელობას აწყობენ, რათა, როგორც ამბობენ, ადგილობრივ ხელისუფლებას ხმა გააგონონ. ისინი სკანდირებენ: "საქართველო", "აფხაზეთი სამაჩაბლოა", "არა რუსულ კანონს", "კი ევროპას".
რაც შეეხება სტუდენტების ნაწილის სამომავლო გეგმებს, პროტესტანები ამბობენ, რომ ჯერჯერობით დაზუსტებული სამოქმედო გეგმა არ აქვთ, თუმცა პროტესტის გაგრძელებას აპირებენ და მოუწოდებენ უნივერსიტეტის სხვა სტუდენტებს, შეუერთდნენ.
ზსსუ-ს სტუდენტების ნაწილი ქვეყანაში მიმდინარე მოვლენებს დილით გამოეხმაურა და განაცხადა, რომ უნდობლობას უცხადებენ საქართველოს პარლამენტის მიერ დაინიციირებულ კანონპროექტს " უცხოური გავლენის გამჭვირვალობის შესახებ", რომელიც მათი თქმით, არღვევს კონსტიტუციის 78-ე მუხლს და ხელს უშლის ქვეყნის ევროინტეგრაციას, რომლისკენაც მიილტვის საქართველოს მოსახლეობის სრული უმრავლესობა.
ინფორმაციისთვის, პარლამენტის იურიდიულ საკითხთა კომიტეტის სხდომაზე "აგენტების კანონი" მესამე მოსმენით დღეს დილით განიხილეს. მმართველი პარტიის დეპუტატებმა მხარი დაუჭირეს კანონპროექტს და სხდომა რამდენიმე წუთში დასრულდა.
ე.წ აგენტების კანონს პლენარულ სხდომაზე მესამე მოსმენით 14 მაისს განიხილავენ.
ამავე თემაზე:
რუსული კანონით აფხაზეთს ვერ დავიბრუნებთ - აქცია ზუგდიდში (ფოტორეპორტაჟი)
“აგენტების” კანონი კომიტეტმა მესამე მოსმენით მიიღო
ზუგდიდში "აგენტების" კანონის საწინააღმდეგო მორიგი აქცია დასრულდა (ფოტო)
ზუგდიდში "აგენტების" კანონის საწინააღმდეგო მორიგი აქცია დასრულდა (ფოტო)
"აგენტების" კანონი მეორე მოსმენით მიღებულია
ქვარაია, თოლორაია, ბერაია, ხახუბია - "აგენტების კანონის" მხარდამჭერები სამეგრელოდან
მასალის გამოყენების პირობები