მუსიკით დასრულდა აქცია ზუგდიდის სკეიტ პარკში, სადაც შეკრებილებმა ე.წ აგენტების კანონი კიდევ ერთხელ გააპროტესტეს. დღევანდელი აქცია ევროპის დღეების ფარგლებში გაიმართა.

სიტყვით გამომსვლელებს შორის თბილისის აქციების თანაწამყვანებიც იყვნენ, მათ შორის ეკა გიგაური, ლაშა ბუღაძე, რატი ამაღლობელი და ბექა ყორშია.

აქციაზე შეკრებილებს სიტყვით მიმართეს ახალგაზრდებმა, სტუდენტებმა და თქვეს, რომ ისინი ბრძოლით არ დაიღლებიან.

საბოლოოდ, აქცია ზუგდიდელი დიჯეების პერფორმანსით დასრულდა. 

ინფორმაციისთვის, ე.წ აგენტების კანონთან დაკავშირებით, დემონსტრაციები ქვეყნის მასშტაბით, რამდენიმე კვირაა, მიმდინარეობს.

"უცხოური გავლენის გამჭვირვალობის შესახებ" კანონპროექტი, საქართველოს პარლამენტმა, 83 ხმით, პირველი მოსმენით 17 აპრილს, ხოლო მეორე მოსმენით, 1 მაისს მიიღო. "აგენტების კანონის" წინააღმდეგ საპროტესტო აქციები სახელწოდებით: "კი ევროპას! არა რუსულ კანონს" თბილისსა და საქართველოს სხვა ქალაქებში, მათ შორის ზუგდიდში, მესამე კვირაა, უწყვეტად მიმდინარეობს.




ამავე თემაზე:

ევროპის დღეების ფარგლებში, ზუგდიდში „აგენტების“ კანონის საწინააღმდეგო აქცია იმართება

ზუგდიდში „აგენტების კანონის“ საწინააღმდეგო აქცია ზვიად გამსახურდიას ძეგლთან დასრულდა (ფოტო)

რადიო "ათინათი" სხვა მედიებთან ერთად ე.წ აგენტების კანონის პარლამენტში წარდგენას აპროტესტებს

პირველი მოსმენით "აგენტების კანონი" მიღებულია

ქვარაია, თოლორაია, ბერაია, ხახუბია - "აგენტების კანონის" მხარდამჭერები სამეგრელოდან

რატომ არა ე.წ აგენტების კანონს - ზუგდიდელების პასუხები (ფოტო/ვიდეო)