14 აპრილს ქართული ენის დღე აღინიშნება.

1978 წელს, ამ დღეს, თბილისში საქართველოს კომუნისტური პარტიის მიერ ქართული ენის კონსტიტუციური სტატუსის შეცვლის მცდელობის საპასუხოდ დემონსტრაციები გაიმართა.

1977 წელს საბჭოთა კავშირში ახალი კონსტიტუცია მიიღეს, საქართველოს სსრ-ის უზენაესი საბჭო კი განიხილავდა ახალ კონსტიტუციურ გეგმას, რომლის მიხედვითაც ქართული სახელმწიფო ენა აღარ უნდა ყოფილიყო და მას რუსული ჩაანაცვლებდა.

14 აპრილს თბილისის სახელმწიფო უნივერსიტეტიდან რუსთაველის გამზირისკენ 15 000-მდე ადამიანი დაიძრა. სტუდენტებსა და ინტელიგენციის წარმომადგენლებს სხვა მოქალაქეებიც შეუერთდნენ. საბოლოოდ, ამ დღეს, რუსთაველის გამზირზე 100 000-მდე ადამიანი შეიკრიბა.

მალე ცნობილი გახდა, რომ საბჭოთა ხელისუფლებამ უკან დაიხია და ქართული ენა კონსტიტუციურ სტატუსს ინარჩუნებდა,

14 აპრილი საქართველოში 1990 წლიდან აღინიშნება და ამ დღესთან დაკავშირებით დედა ენის ძეგლთან, ტრადიციულად, ყოველ წელს, სხვადასხვა ღონისძიება იმართება.