რა უშლის ხელს ფუნდამენტური დემოკრატიული მიმართულებების ფუნქციონირებას, ევროინტეგრაციის საბოტაჟის პირობებში, როგორია დისტანცია ამომრჩევლებსა და პოლიტიკური პარტიების შორის, როგორ ხედავენ მოქალაქეები თავიანთ თავს პოლიტიკური დღის წესრიგში, რა ამწვავებს პოლიტიკურ კრიზისს და როგორია მისი გადალახვის გზები, იმ პირობებში, როდესაც საქართველოს მოსახლეობის უდიდესი ნაწილის მხარდაჭერა ევროკავშირის მიმართ მაღალი რჩება, - ამ საკითხებზე საუბრობს ჩვენი გადაცემის სტუმარი - „საქართველოს პოლიტიკის ინსტიტუტის“ პოლიტიკის მკვლევარი - შოთა კაკაბაძე.

რას ნიშნავს სურსათის უვნებლობა ყოველდღიურ ცხოვრებაში , რატომ არის ის მნიშვნელოვანი? რას გვაძლევს ჯანსაღი და უვნებელი კვება. რადიო ,,ათინათის" გადაცემაში ოდიშის N2 საჯარო სკოლის მე-9 კლასის მოსწავლე ნინო თოლორაია და მერაბ კოსტავას სახელობის ზუგდიდის N2 საჯარო სკოლის მოსწავლე კატო აგუმავა საუბრობენ.

რა გამოწვევებია და როგორ უნდა გავაგრძელოთ სურსათის უვნებლობის გაუმჯობესება. ვისი პასუხისმგებლობაა სურსათის უვნებლობა, მომხმარებელის,ბიზნესის თუ სახელმწიფოსი.რადიო ,,ათინათის" პირდაპირ ეთერში ა(ა)იპ ,,სამეგრელოს ხმის" დამფუძნებელი, ეკონომისტი, პროექტის დირექტორი - თენგიზ ჯგუშია და სოციალურ მეცნიერებათა დოქტორი, პროექტის კოორდინატორი ჯამბულ ნაჭყებია გვესაუბრება.

რა როლი შეუძლია ითამაშოს საქართველომ, როგორც შავი ზღვის რეგიონის ერთ - ერთმა აქტორმა, იმ შემთხვევაში, თუ ევროკავშირი და ევროპის ქვეყნები მოახერხებენ თავდაცვის ახალი არქიტექტურის შექმნას, იმისთვის რომ მიიღოს გრძელვადიანი უსაფრთხოების გარანტიები და დასავლელ მოკავშირეებთან ერთად გაანეიტრალოს რუსეთიდან მომდინარე საფრთხეები, - ამ თემებზე საუბრობს ჩვენი გადაცემის სტუმარი, კოალიცია ინფორმაციის სანდოობის წევრი და ევროპულ-ქართული ინსტიტუტის დამფუძნებელი - გიორგი მელაშვილი.

რა შემთხვევაში და ვის მივმართოთ, თუ ვთვლით, რომ მომხმარებლის უფლება დაირღვა.რა შემთხვევაში შეუძლია მოქალაქეს სურსათის უვნებლობის მოთხოვნების დარღვევის შესახებ შეატყობინოს სურსათის ეროვნულ სააგენტოს (სეს )ცხელ ხაზზე და როგორ რეაგირებს სააგენტო შეტყობინებაზე.

ცვლილებები ევროპის უსაფრთხოების არქიტექტურაში, ბრიუსელის სამიტი - გარდამტეხი ეტაპი ევროკავშირის თავდაცვის და უსაფრთხოების პოლიტიკისთვის, როგორ გაგრძელდება უკრაინის მხარდაჭერა, მიმდინარე გეოპოლიტიკური ცვლილებების ფონზე, რა რისკების წინაშე დგას საქართველო რეგიონული, პოლიტიკური და ეკონომიკური კონტექსტის გათვალისწინებით, რა პირობებით შეიძლება გაგრძელდეს საქართველოს ევროპული ინტეგრაციის მხარდაჭერა, - ამ თემებზე საუბრობს მარტენსის ცენტრის მკვლევარი, სტრასბურგში მიწვეული ლექტორი, - თეონა ლავრელაშვილი.

რას გულისხმობს  "ფერმიდან ჩანგლამდე"  მიდგომა.      რა ნაბიჯებს გადის საკვები, სანამ ჩვენს თეფშზე მოხვდებადა როგორ ვზრუნავთ მის უსაფრთხოებაზე.

რატომ არის მნიშვნელოვანი პროდუქტის ეტიკეტის გაცნობა.როგორ ავარჩიოთ უვნებელი სურსათი, როგორ უნდა წავიკითხოთ ეტიკეტები და რა უნდა ვიცოდეთ პროდუქტის ხარისხის შესაფასებლად.

პოლიტიკური კრიზისი საქართველოში, არჩევნები, როგორც მისი განმუხტვის ერთადერთი დემოკრატიული გზა, ევროპული გამოცდილება, გერმანიაში მიმდინარე პროცესების მაგალითზე, გამოწვევები, რომლის წინაშეც დგას ჩვენი ქვეყანა, ევროინტეგრაციის გზიდან ჩამოშორების და რთული გეოპოლიტიკური ცვლილებების ფონზე, - ამ თემებზე საუბრობს "სამართლიანი არჩევნების" რეგიონული ხელმძღვანელი - დავით ლოგუა.

რას ისახავს მიზნად ასოცირების შეთანხმება ევროკავშირსა და საქართველოს შორის. რატომ არის მნიშვნელოვანი ევროკავშირთან თანამშრომლობა მათ შორის სურსათის უვნებლობის კუთხით , რა გავლენა აქვს ამ შეთანხმებას და ევროინტეგრაციის პროცესს სურსათის უვნებლობის მომავალზე საქართველოში.

რატომ არის სურსათის უვნებლობა მნიშვნელოვანი თემა ევროკავშირისთვის . რა როლი ეკისრება ევროკავშირს სურსათის უსაფრთხოების სტანდარტების დადგენაში და რა გამოწვევები არსებობს დღეს სურსათის უვნებლობის სფეროში.

რას ნიშნავს "ერთიანი ჯანმრთელობა ,რატომ გახდა ეს მიდგომა ასე მნიშვნელოვანი სურსათის უვნებლობისათვის.როგორ ვრცელდება დაავადებები ცხოველებიდან და მცენარიდან საკვებზე და შემდეგ ადამიანზე.

რა არის სურსათის უვნებლობა და რატომ არის ის მნიშვნელოვანი ადამიანის ჯანმრთელობისთვის. როგორ უნდა დავიცვათ თავი კვების პროდუქტებით დაბინძურებისგან და რა როლი აქვს სახელმწიფოს, ფერმერებს და მეწარმეებს ამ სფეროში.

რას ნიშნავს ჯანსაღი კვება. არაჯანსაღი კვების რა ჩვევებია დღეს გავრცელებული, რა რისკები ახლავს მათ და რა უნდა გაკეთდეს ჯანსაღი კვების კულტურის დასამკვიდრებლად საქართველოში . თემაზე ვრცლად რადიო ,,ათინათის" პირდაპირ ეთერში ისტორიკოსი, სოციალურ მეცნიერებათა დოქტორი, პროექტის კოორდინატორი-ჯამბულ ნაჭყებია და თერაპევტ-კარდიოლოგი თეა ხარბედია საუბრობენ.

რა შეიძლება ჩაითვალოს მავნე სურსათად, როგორ შევამციროთ მისი მოხმარების რისკი და გამოწვეული ზიანი. საკვებისმიერი დავადებების გამომწვევი მიკროორგანიზმები რა დაავადებებს იწვევენ და რამდენად ხშირია ეს შემთხვევები. რა წესები უნდა დავიცვათ საკვების შენახვა-მომზადებისას. თემაზე ვრცლად რადიო ,,ათინათის" პირდაპირ ეთერში ა(ა)იპ ,,სამეგრელოს ხმის" დამფუძნებელი, ეკონომისტი, პროექტის დირექტორი თენგიზ ჯგუშია და ექიმი, თერაპევტ-ტოქსიკოლოგი ქეთევან წყაროზია საუბრობენ.

რა დანიშნულება აქვს კვებას და რა გავლენას ახდენს ის ორგანიზმზე. როგორ იცვლება კვების ჩვევები ხვადასხვა თაობაში და როგორ უნდა შევუწყოთ ხელი ჯანსაღი კვების ჩვევების ჩამოყალიბებას.თემაზე ვრცლად რადიო ,,ათინათის" პირდაპირ ეთერში ისტორიკოსი, სოციალურ მეცნიერებათა დოქტორი, პროექტის კოორდინატორი ჯამბულ ნაჭყებია და ბიოლოგი, მერაბ კოსტავას სახელობის ქ. ზუგდიდის მე- 2 საჯარო სკოლის მასწავლებელი ნინო ბერიშვილი საუბრობენ.

სოხუმში მიმდინარე მოვლენები, (ანექსიური პროცესები - ბაბუშარის აეროპორტი, ოჩამჩირის პორტი), დანარჩენ საქართველოში არსებული პოლიტიკური ჩიხის და ევროინტეგრაციის გზიდან გადახვევის ფონზე; ნდობის აღდგენის პროცესის პერსპექტივები არსებული კრიზისის გათვალისწინებით, უსაფრთხოების ახალი გამოწვევები, ევროკავშირის, როგორც სამშვიდობო პროექტის როლი ქვეყნისა და რეგიონისთვის, კონფლიქტების მშვიდობიანი დარეგულირების მიმართულებით გაწეული დახმარება, - ამ საკითხებზე საუბრობს „კავკასიური სახლის“ მშვიდობის პროგრამის ხელმძღვანელი , - ვანო აბრამიშვილი.

რატომ არის კვება არა მხოლოდ ფიზიოლოგიური საჭიროება, არამედ უფლება და რა როლი აქვს სახელმწიფოს, საზოგადოებას და თითოეულ ჩვენგანს ამ საკითხში. თემაზე ვრცლად რადიო ,,ათინათის" პირდაპირ ეთერში  "სამეგრელოს ხმის" დამფუძნებელი, ეკონომისტი თენგიზ ჯგუშია და იურისტი, უფლებამდაცველი კესო ჩახაია საუბრობს.
ეს გადაცემა შექმნილია ევროკავშირის მხარდაჭერით. მის შინაარსზე სრულად პასუხისმგებელია ააიპი "სამეგრელოს ხმა" და შესაძლოა, რომ იგი არ გამოხატავდეს ევროკავშირის შეხედულებებს.

რა ახასიათებთ დემოკრატიებს, მსოფლიოს მოწინავე ქვეყნების მაგალითზე, - კანონის უზენაესობა, ფუნდამენტური სამოქალაქო და პოლიტიკური უფლებები და მათი რეალიზებისთვის საჭირო ინსტიტუციური გარანტიები;

დეზინფორმაცია და პროპაგანდა - რა ინსტრუმენტებს იყენებენ და როგორ ავრცელებენ ანტიდასავლურ გზავნილებს, როგორ უმკლავდებიან მას აშშ- ში და ევროპაში, რა სამართლებრივ ნაბიჯებს დგამენ, მოწყვლად ჯგუფებზე მისი გავლენის შესამცირებლად, რა გამოწვევების წინაშე ვდგავართ, ამ თვალსაზრისით, საქართველოს ევროკავშირისგან დაშორების და ქვეყანაში მიმდინარე მოვლენების ფონზე, - ამ თემებზე საუბრობს ექსპერტი საგარეო დეზინფორმაციის საკითხებში - ნინი შენგელია.