დღევანდელ გადაცემაში საუბარია იმ უნიკალური საგანძურის შესახებ ,რომელიც ზუგდიდის მუზეუმს პრინც ვიქტორ დადიანმა დაუბრუნა.

ზუგდიდის მუზეუმის საცავები ინახავს უნიკალურ ნაშრომებს, რომელთა დახმარებით შესაძლებელია წარსულის მედიცინის კვლევა. დღევანდელ გადაცემაში საუბარია მედიცინის ფუძემდებლებზე დასავლეთ საქართველოში და უნიკალურ კურორტებზე.

დადიანების სასახლეთა ისტორიულ-არქიტექტურული მუზეუმი, უფლისწული ნიკო დადიანის სასახლე მასპინძლობს გამოფენას ,,დადიანებში დაცული XX საუკუნის მხატვრობა“. დარბაზში წარმოდგენილია მეოცე საუკუნის ქართველი მხატვრების ელენე ახვლედიანის, ლეოპოლდ ძაძამიძის, გივი ნარმანიას, რობერტ სტურუას(უფროსი), მამია ახობაძის, გივი თორაძის, მიხეილ გაბუნიას, ჯიბსონ ხუნდაძის, ირინე ელიაშვილის, რუსუდან ფეტვიაშვილის, ედმონდ კალანდაძის, ირაკლია ფაჩულიას და სხვათა ნამუშევრები.

დღევანდელ გადაცემაში საუბარია მასკარონებზე, ადამიანის სახის ან ცხოველის თავის გამოხასულებიანი, უკანა მხრიდან ჩამოჭრილ და ბრტყელ ფუძეზე მიდგმულ სკულპტურულ მოსართავებზე. მასში წარმოდგენილია მამაკაცების, ქალების, ბავშვების, ახალგაზრდებისა თუ ხანდაზმულების თავები, ასევე ანტიკური პერსონების თავის ასლები, თეატრალური ნიღბები.ტერმინი მასკარონი მე-17 საუკუნეში გამოიყენეს და ეს გროტესკული გამოსახულებები, რაიმე ან ვინმე არარეალურის რეპრეზენტაცია გახლდათ.

გადაცემას უძღვება დადიანების სასახლეთა ისტორიულ - არქიტექტურული მუზეუმის დირექტორი დავით ოყუჯავა.