ახალი ამბები
ზუგდიდში საპროტესტო შინაარსის სტენსილების ავტორს პოლიცია ქალაქის იერსახის დამახინჯებას ედავება
ზუგდიდში საპროტესტო შინაარსის სტენსილების ავტორსა და სამოქალაქო აქტივისტს როსტომ ზარანდიას პოლიცია ადმინისტრაციულ სამართალდარღვევათა კოდექსის 150-ე მუხლის მე-2 ნაწილის დარღვევას ედავება, რაც მუნიციპალიტეტის ტერიტორიის იერსახის დამახინჯებას გულისხმობს. შესაბამისი ვიდეო მასალა აქტივისტმა საკუთარ ფეისბუქ გვერდზე გაავრცელა, რომელშიც ნაჩვენებია, რომ პოლიციელებმა სამართალდარღვევის ოქმი მას სახლში მიუტანეს.

რადიო „ათინათთან“ ზარანდია განმარტავს, რომ მას გამოძიება ზუგდიდის რაიონული პროკურატურის შენობაზე "ნეტგაზეთისა“ და „ბათუმელების“ თანადამფუძნებლის, მზია ამაღლობელის სტენსილის მიხატვას ედავება.

„მათ საპროტესტო მესიჯების ეშინიათ და ახლა წინააღმდეგობის კონტექსტში, ცდილობენ, რომ ჩვენი ხმა ჩაახშონ. სინამდვილეში, მათ იერსახე არ აწუხებთ, აწუხებთ ის, რომ მესიჯი მიდის ხალხთან და ხალხი უნდა იყოს სიბნელეში. ამათი დაკვეთაა გავიხლიჩოთ და ერთმანეთის არ გვესმოდეს, გაგვთიშონ და ერთმანეთთან არ გვალაპარაკონ. ისინი ცდილობენ, რომ დაგვაპირისპირონ. სასამართლო უნდა ჩაინიშნოს და მან უნდა გადაწყვიტოს რამდენი ლარით უნდა დავჯარიმდე. მე კანონდამრღვევი არ ვარ, არ ვამახინჯებ იერსახეს. ისინი ამახინჯებენ, მე ვხატავ, ხოლო ისინი გადაღებავენ ხოლმე შავად ნახატებს“, - ამბობს ის.

სამოქალაქო აქტივისტის თქმით, მას სასამართლოს მიერ სამართლიანი გადაწყვეტილების მიღების იმედი არ აქვს, თუმცა, როგორც ამბობს, ცალკეული მოსამართლე თუ გაბედავს ობიექტური გადაწყვეტილების მიღებას, მიესალმება.

ქართული ოცნების" საკანონმდებლო ცვლილებების მიხედვით, „სხვადასხვა სახის წარწერების, ნახატების, სიმბოლოების თვითნებურად შესრულება ადმინისტრაციული ორგანოების შენობათა ფასადებზე, აგრეთვე მათ მიმდებარე ტერიტორიაზე, მათ შორის, ფეხით მოსიარულეთა და სატრანსპორტო საშუალებების სავალ ნაწილზე“ ითვალისწინებს 2 000 ლარის ოდენობით დაჯარიმებას.

Print Email
FaceBook Twitter
დაფინანსებული
ზუგდიდში, ევროკავშირის მიერ მხარდაჭერილი პროექტის „ხალხი და რეგიონები სურსათის უვნებლობისთვის“ ფარგლებში მორიგი ინფორმაციული შეხვედრა გაიმართა, რომელშიც ამჯერად მეწარმეები, მათ შორის ბიზნესოპერატორები მონაწილეობდნენ.
28 თებერვალს, ზუგდიდში, ევროკავშირის მხარდაჭერით, სურსათის უვნებლობასთან დაკავშირებით, ჩატარდა მორიგი ინფორმაციული შეხვედრა, რომელშიც მუნიციპალიტეტის სხვადასხვა სკოლის მოსწავლეები მონაწილეობდნენ.
28 თებერვალს, ზუგდიდში, ჩეხეთის რესპუბლიკის, შვედეთისა და ევროკავშირის მხარდაჭერით, ჩატარდა ინფორმაციული შეხვედრა სურსათის უვნებლობასთან დაკავშირებით, რომელსაც სხვადასხვა პროფილის სურსათის მწარმოებელი ბიზნეს ოპერატორები ესწრებოდნენ. შეხვედრაში ასევე მონაწილეობდა სურსათის ეროვნული სააგენტოს წარმომადგენელი.
სტატია
დღის სიახლეები
15 / მარტი 2025
წალენჯიხაში ხანძარია, მუნიციპალიტეტის მერის მოადგილის თამარ ბელქანიას ინფორმაციით, ცეცხლი 25 სხვადასხვა ლოკაციაზეაა გავრცელებული.
15 / მარტი 2025
გაგრის რაიონში მომხდარი ავტოსაგზაო შემთხვევის შედეგად, მცირეწლოვანი დაიღუპა. ინფორმაციას „აფსნიპრესი“ ავრცელებს, საგზაო ინსპექციის უფროსზე დამეი ავიძბაზე დაყრდნობით.
14 / მარტი 2025
10 დღის განმავლობაში, თბილისი-სენაკი-ლესელიძის საავტომობილო გზის 26-ე კმ-ზე, მდინარე არაგვის ხიდზე (მარცხენა, თბილისის მიმართულება), ავტომობილების მოძრაობა ერთ ზოლზე (დასავლეთ-აღმოსავლეთის მიმართულება) შეიზღუდება. ამის შესახებ ინფორმაციას საავტომობილო გზების დეპარტამენტი აქვეყნებს.
დილის ჩართვა
ოდაბადეშ კინოხონი
დადიანების სასახლეთა საგანძური
მთავარი საინფორმაციო გამოშვება
ჩვენი თვითმმართველობა
არქივი
«« მარტი 2025 »»
2425262728 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 123456
ამინდი
ზუგდიდი 17 °C
img
სოხუმი 15 °C
img
ფოთი 15 °C
img
მესტია 5 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.