ახალი ამბები
საქართველოს რეგიონული მედიის ასოციაციის განცხადება პარლამენტს
საქართველოს რეგიონული მედიის ასოციაციის წევრები პარლამენტს ერთობლივ განცხადებას უგზავნიან, რომელშიც საზოგადოებრივი მაუწყებლის სამეურვეო საბჭოს წევრად ია მამალაძის კანდიდატურას მიესალმებიან. რადიო „ათინათი“ განცხადების ტექსტს უცვლელად გთავაზობთ.

"ძვირფასო დეპუტატებო, მოგმართავთ რეგიონული მედიის წარმომადგენლები. ჩვენ გაცნობიერებული გვაქვს საზოგადოებრივი მაუწყებლის როლი და მნიშვნელობა ჩვენი ქვეყნის დემოკრატიული პროცესების განვითარების საქმეში. განსაკუთრებით დღეს, როცა მაუწყებელი არაერთი გამოწვევის წინაშე დგას და გარდამტეხი რეფორმებია გასატარებელი.

ამიტომ, მნიშვნელოვნად მიგვაჩნია სამეურვეო საბჭოში ისეთი პროფესიონალების ყოფნა, რომელთაც საკუთარი საქმიანობით არაერთხელ დაამტკიცეს ერთგულება როგორც მედიის, ასევე დემოკრატიული ღირებულებების მიმართ. ადამიანების, რომლებიც არასდროს წასულან კომპრომისზე საკუთარ სინდისთან, სიმართლესთან და ობიექტურობასთან კონფორმიზმისა და პირადი კეთილდღეობის ხარჯზე.

როგორც მოგეხსენებათ, საპარლამენტო უმრავლესობის მიერ ია მამალაძე დასახელებულია სამ კანდიდატს შორის, რაც საპარლამენტო უმრავლესობის მხრიდან გადადგმული სწორი და სამართლიანი ნაბიჯია.

ია მამალაძე, წლების განმავლობაში იყო საქართველოს რეგიონული მედიის ასოციაციის თავმჯდომარე, საქართველოში მედიის განვითარების ხელშემწყობი არაერთი საერთაშორისო პროექტის დირექტორი, მედიის თვითრეგულაციის ნორმების და არაერთი საკანონმდებლო ცვლილებების შემუშავების თანამონაწილე, ია არის წარმატებული მედიამენეჯერი, რამდენიმე საუნივერსიტეტო სასწავლო მოდულის ავტორი, ადგილობრივი თვითმმართველობის და საარჩევნო სფეროს მედიასპეციალისტი.

განსაკუთრებით მნიშვნელოვანია, რომ ის კარგად იცნობს რეგიონებში, მათ შორის, ეთნიკური უმცირესობებით დასახლებული კუთხეებში არსებულ პრობლემებს. რადგან მიგვაჩნია, რომ სასიცოცხლოდ საჭიროა, საზოგადოებრივ მაუწყებელს მუდმივად ესმოდეს რეგიონების ხმა, გრძნობდეს და იზიარებდეს საქართველოს ყველა კუთხეში მცხოვრები მოსახლეობის, უმცირესობებისა და ყველაზე მოწყვლადი ჯგუფების ინტერესებს, ვთვლით, რომ ია მამალაძის ყოფნა საზოგადოებრივი მაუწყებლის სამეურვეო საბჭოში აუცილებელია. ყოველივე ზემოთქმულის გათვალისწინებით, მოგმართავთ თხოვნით, გამოიჩინოთ პრინციპულობა, მიუკერძოებლობა და მხარი დაუჭიროთ საზოგადოებრივი მაუწყებლის სამეურვეო საბჭოს წევრად ია მამალაძის არჩევას", - აღნიშნულია განცხადებაში.

Print Email
FaceBook Twitter
დაფინანსებული
„მე-16 ელემენტის" და „ნაციონალიზმისა და კონფლიქტის კვლევის ინსტიტუტის“ (ISNC) , “Digital Interaction for Peace” / DIP Project-ის ფარგლებში გადაიღეს დოკუმენტური ფილმი სახელწოდებით "თაობა კონფლიქტს მიღმა".
სურსათის უვნებლობა მოქალაქეების ჯანსაღი და უსაფრთხო ცხოვრების ერთ-ერთი მნიშვნელოვანი კომპონენტია. პროდუქტებში შემავალმა საკვებმა დანამატებმა და გენეტიკურად მოდიფიცირებულმა ორგანიზმებმა შეიძლება გავლენა იქონიონ ჩვენს ჯანმრთელობაზე. ზუგდიდში, სხვადასხვა ლოკაციაზე, მოქალაქეებს ვკითხეთ, ამოწმებენ თუ არა ვადებს და ეტიკეტს პროდუქტის შეძენისას.
ზუგდიდში, ჩეხეთის რესპუბლიკის, შვედეთისა და ევროკავშირის მხარდაჭერით ხორციელდება პროექტი „ხალხი და რეგიონები სურსათის უვნებლობისთვის“, რომელშიც სხვადასხვა პროფილის სურსათის მწარმოებელი ბიზნეს ოპერატორები, ადგილობრივი ფერმერები და მეწარმეები მონაწილეობენ. პროექტის მიზანია რეგიონებში სურსათის უვნებლობის მიმართულებით საინფორმაციო გარემოს გაუმჯობესება და მოსახლეობის ინფორმირებულობის ამაღლება.
სტატია
დღის სიახლეები
25 / აპრილი 2025
2025 წლის 1 იანვრის მდგომარეობით, სამეგრელო-ზემო სვანეთში მოსახლეობის რიცხოვნობა 4.4 ათასით შემცირდა და 283.3 ათასს გაუტოლდა. ამის შესახებ სტატისტიკის ეროვნული სამსახურის მონაცემებში ვკითხულობთ.
25 / აპრილი 2025
ზუგდიდის რაიონულმა სასამართლომ სრულად გაიზიარა პროკურატურის მიერ წარდგენილი მტკიცებულებები და ჯგუფურად ჩადენილ მკვლელობის მცდელობაში ბრალდებულები დამნაშავედ ცნო. ამის შესახებ ინფორმაციას პროკურატურა საკუთარ ვებ გვერდზე ავრცელებს.
24 / აპრილი 2025
თომას კვირის აღმნიშვნელად მეგრულში დასტურდება უფალთანაფა და ჭიჭე თანაფა(,,პატარა აღდგომა“),მაგრამ ხალხში მას ასევე ოსურეფიშ თანაფას უწოდებდნენ. ზოგადად თანაფა აღდგომასთან და ოსურეფიშ თანაფასთან დაკავშირებით ძველ სამეგრელოში არაერთი რიტუალი იყო დაცული,სადაც ჩანს წინარექრისტიანული ტრადიციები,რომელიც მოგვიანებით ქრისტიანობის დიდ საუფლო დღესასწაულს შეერწყა და ახალი სახე ვარიაციით დამკვიდრდა.ოსურეფიშ თანაფა ასევე გახლდათ სახალხო დღესასწაულიც.მას საეკლესიო აღიარება არასოდეს ქონია.დღევანდელ გადაცემაში დეტალურადაა აღწერილი ყველა რიტუალი რომელიც ამ დღესთანაა დაკავშირებული.
ოდაბადეშ კინოხონი
დადიანების სასახლეთა საგანძური
მთავარი საინფორმაციო გამოშვება
ჩვენი თვითმმართველობა
არქივი
ამინდი
ზუგდიდი 17 °C
img
სოხუმი 15 °C
img
ფოთი 15 °C
img
მესტია 5 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.