სოციალურ ქსელ „ფეისბუქის“ გვერდზე გიორგი კაპანაძემ დღეს გაავრცელა ვიდეო, რომელშიც „ქართული ოცნების“ ზუგდიდის მერობის კანდიდატის გიორგი შენგელიას კორცხელში ადგილობრივებთან
შეხვედრის რამდენიმე წუთია მოცემული. ვიდეოში ჩანს, რომ ორი მოქალაქე მერობის კანდიდატს ეკამათება და მათივე თქმით, გაზრდილი კრიმინალის გამო ჩივის. მათ შენიშვნაზე კი შენგელია პასუხობს, რომ ქუჩაში მოქალაქეები მშვიდად დადიან და ეს სწორედ „ოცნების“ ხელისუფლების მონაპოვარია.
მმართველი პარტიის საარჩევნო შტაბში რადიო „ათინათს“ უთხრეს, რომ „უხერხული“ კითხვები შენგელიას წინასწარ „მოგზავნილმა“ პირებმა დაუსვეს. შტაბის პრესსამსახურში არ აკონკრეტებენ, ვინ „მიუგზავნა“კონკრეტული ადამიანები, თუმცა დასძენენ, რომ ყველაზე აქტიურად კითხვებს ენმ-ის ხელისუფლების დროს კორცხელის გამგებლის მოადგილის მამა ჯიმშერ თორდია სვამდა.
„იყო საუბარი და კითხვებს სვამდნენ წინასწარ მოგზავნილები, მათ შორის კი ყველაზე აქტიური იყო წინა ხელისუფლების დროს გამგებლის მოადგილის მამა ჯიმშერ თორდია. ისეთ კითხვებს სვამდა, რაც კანდიდატის და ზუგდიდის მერის კომპეტენციაში ნამდვილად არ შედის. დარეჯან ლაშხია კი დაინტერესდა ამბულატორიის პრობლემის მოგვარებით, რაზედაც გეგა შენგელიამ უპასუხა, რომ 2020 წელს სოფელს კეთილმოწყობილი ამბულატორია ექნება. ჩვენ მსგავს მცდელობებს ვხვდებით მშვიდად და კანდიდატთან მოსახლეობა საკუთარ საჭიროებებსა და პრობლემებზე საუბრობს“, - გვითხრეს შტაბში.
ზუგდიდის მერობის კანდიდატმა გიორგი შენგელიამ საარჩევნო კამპანია 7 აპრილს დაიწყო, ის კამპანიის ფარგლებში მოსახლეობას ხვდება.
ზუგდიდის დიაგნოსტიკურ ცენტრ “ჯან-მედის” გინეკოლოგიური განყოფილება ტექნიკური და პროფესიული განვითარების ახალ ეტაპზე გადავიდა. კლინიკაში დამონტაჟდა უახლესი თაობის დიაგნოსტიკური აპარატი - კოლპოსკოპი.
ეუკარბონი საქართველოში ერთ-ერთი ყველაზე პოპულარული მედიკამენტია, რომელიც იმ დროს უნდა მიიღოთ, როდესაც ყაბზობა და მასთან დაკავშირებული სიმპტომები "შემოგიტევთ".
წალენჯიხის მუნიციპალიტეტში ფონდი „სოხუმის“ ფორუმ-თეატრის წარმომადგენლების ჩვენება გაიმართა, რომელშიც მონაწილეობდნენ ახალგაზრდული ჯგუფი და ურთიერთდახმარების ქალთა ჯგუფი.
ტანსაცმელის დამზადებას და მის მოვლა-პატრონობას სამეგრელოში დიდი ყურადღება ეთმობოდა. ტანსაცმელს ზანდუკ-კიდობნებში ინახავდნენ.ავი თვალის დასაცავად ტანსაცმლის მარცხენა მხარეს, შიგნით "ანგაროზის"(ავგაროზი) დაკერებაც იცოდნენ მას ნათოლეშ წამალს" უწოდებდნენ. ავგაროზი მზადდებოდა ბავშვებისთვის და თვალდაკრული ადამიანებისთვისაც.დღევანდელ გადაცემაში საუბარია როგორ მზადდებოდა ავგაროზი და როგორი იყო მასთან დაკავშირებული რიტუალები.
სამეგრელოში სამგლოვიარო რიტუალი,ითვალისწინებდა დროის გარკვეული ვადით განსაკუთრებული ტიპის სამოსელის ტარებას.ამგვარი დანიშნულების ტანსაცმელის აღსანიშნავად სამეგრელოში სხვადასხვა ტერმინს იშველიებდნენ. არსებობდა სხვადასხვა ფერის სამგლოვიარო სამოსი ,რომლებსაც გარკვეული დანიშნულება ჰქონდა.დღევანდელ გადაცემაში საუბარია ყველა იმ ტიპის სამოსზე რომელსაც იყენებდნენ გლოვის დროს და დეტალურადაა აღწერილი როგორ იკერებოდა ის.
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
მასალის გამოყენების პირობები