ახალი ამბები
ანა წითლიძე: ზუგდიდში ოპოზიციურად განწყობილ მოქალაქეებს პირადობებს ართმევენ
"ერთიანი ნაციონალური მოძრაობის" ზუგდიდის ორგანიზაცია მმართველი პარტიის საარჩევნო შტაბის წარმომადგენლებს და ძალოვანი სტრუქტურის თანამშრომლებს
ამომრჩევლებზე ზეწოლაში ადანაშაულებს. პარლამენტის წევრმა ანა წითლიძემ დღეს გამართულ ბრიფინგზე პროცესში ჩართული კონკრეტული პირები დაასახელა. მისივე თქმით, მათ აქვთ მტკიცებულება, რომელიც მოქალაქეების მოსყიდვისა და დაშინებას ასახავს.
"ბოლო რამდენიმე დღეა "ქართული ოცნების" წევრების მხრიდან ხორციელდება პირადობის მოწმობების ჩამორთმევა იმ ადამიანებისთვის, ვინც არიან გაერთიანებული ოპოზიციის ან ენმ-ის მხარდამჭერები. ამ სქემაში მონაწილეობენ "ქართული ოცნების" წევრები - დავით დავითულიანი, რომელიც არის ამ სქემის მთავარი ხელმძღვანელი, ლევან კაკავა, "შემოსავლების სამსახურის" უფროსი საქართველოში, ტატო კიტია, რომელიც არის კომბინატში პოლიციის უფროსი და რობერტ ჭეჟია, რომელიც არის შსს-ს თანამშრომელი. შემიძლია გითხრათ ის ადგილები, სადაც ხდება ასეთი შემთხვევები, მაგალითად საჯვაროს და ფაიფურის უბნები, დარჩელი, ჭკადუაში და განმუხური. მიდიან ამომრჩეველთან და ართმევენ პირადობებს, რომლებსაც დაუბრუნებენ არჩევნების შემდეგ", - ამბობს წითლიძე.
მმართველი პარტიის საარჩევნო შტაბში ენმ-ის ბრალდებებს დამარცხებისთვის განწირული პარტიის უნიჭო ფანტაზიას უწოდებენ და ამბობენ, რომ ოპონენტები სიცრუის ტირაჟირებით არიან დაკავებულები.
"ნაციონალურ მოძრაობას" ყავს მერობის კანდიდატი, რომელიც პრაქტიკულად არ ატარებს წინასაარჩევნო შეხვედრებს, რადგან დარწმუნებულია იმაში, რომ ამას არანაირი აზრი არ აქვს. ნაციონალურ მოძრაობას ყავს მერობის კანდიდატი, რომელიც საოკუპაციო ხაზთან დგას და შეურაცხყოფას აყენებს იმ პირებს, რომლებიც საკუთარი სიცოცხლის ფასად იცავდნენ აფხაზეთს 1992-93 წლების ომის დროს. "ნაციონალურ მოძრაობას" ყავს მერობის კანდიდატი, რომელიც ელემენტარულ ინფორმაციასაც არ ფლობს ზუგდიდის მუნიციპალიტეტზე და იმ გამოწვევებზე, რაც ამ მუნიციპალიტეტში დგას. აქედან გამომდინარე ისინი ხედავენ, რომ არანაირი წარმატების შანსი არ აქვთ. ისინი არ ემზადებიან 2 ოქტომბრისთვის. ისინი ემზადებიან 3 ოქტომბრისთვის, იმისთვის, რომ გარკვეულწილად დესტაბილიზაცია შემოიტანონ ჩვენი ქვეყნის ცხოვრებაში. მათ ეს არ გამოუვათ და ქართველი ხალხი 2 ოქტომბერს მათ საკადრის პასუხს გასცემს", - ამბობს "ქართული ოცნების" პროპორციული სიის და ზუგდიდის მოქმედი საკრებულოს წევრი ირაკლი ლაგვილავა.
ენმ-ის წარმომადგენლები ზემოაღნიშნული ინფორმაციის სხვადასხვა საერთაშორისო ორგანიზაციებისთვის მიწოდებას გეგმავენ.
"ბოლო რამდენიმე დღეა "ქართული ოცნების" წევრების მხრიდან ხორციელდება პირადობის მოწმობების ჩამორთმევა იმ ადამიანებისთვის, ვინც არიან გაერთიანებული ოპოზიციის ან ენმ-ის მხარდამჭერები. ამ სქემაში მონაწილეობენ "ქართული ოცნების" წევრები - დავით დავითულიანი, რომელიც არის ამ სქემის მთავარი ხელმძღვანელი, ლევან კაკავა, "შემოსავლების სამსახურის" უფროსი საქართველოში, ტატო კიტია, რომელიც არის კომბინატში პოლიციის უფროსი და რობერტ ჭეჟია, რომელიც არის შსს-ს თანამშრომელი. შემიძლია გითხრათ ის ადგილები, სადაც ხდება ასეთი შემთხვევები, მაგალითად საჯვაროს და ფაიფურის უბნები, დარჩელი, ჭკადუაში და განმუხური. მიდიან ამომრჩეველთან და ართმევენ პირადობებს, რომლებსაც დაუბრუნებენ არჩევნების შემდეგ", - ამბობს წითლიძე.
"ნაციონალურ მოძრაობას" ყავს მერობის კანდიდატი, რომელიც პრაქტიკულად არ ატარებს წინასაარჩევნო შეხვედრებს, რადგან დარწმუნებულია იმაში, რომ ამას არანაირი აზრი არ აქვს. ნაციონალურ მოძრაობას ყავს მერობის კანდიდატი, რომელიც საოკუპაციო ხაზთან დგას და შეურაცხყოფას აყენებს იმ პირებს, რომლებიც საკუთარი სიცოცხლის ფასად იცავდნენ აფხაზეთს 1992-93 წლების ომის დროს. "ნაციონალურ მოძრაობას" ყავს მერობის კანდიდატი, რომელიც ელემენტარულ ინფორმაციასაც არ ფლობს ზუგდიდის მუნიციპალიტეტზე და იმ გამოწვევებზე, რაც ამ მუნიციპალიტეტში დგას. აქედან გამომდინარე ისინი ხედავენ, რომ არანაირი წარმატების შანსი არ აქვთ. ისინი არ ემზადებიან 2 ოქტომბრისთვის. ისინი ემზადებიან 3 ოქტომბრისთვის, იმისთვის, რომ გარკვეულწილად დესტაბილიზაცია შემოიტანონ ჩვენი ქვეყნის ცხოვრებაში. მათ ეს არ გამოუვათ და ქართველი ხალხი 2 ოქტომბერს მათ საკადრის პასუხს გასცემს", - ამბობს "ქართული ოცნების" პროპორციული სიის და ზუგდიდის მოქმედი საკრებულოს წევრი ირაკლი ლაგვილავა.
ენმ-ის წარმომადგენლები ზემოაღნიშნული ინფორმაციის სხვადასხვა საერთაშორისო ორგანიზაციებისთვის მიწოდებას გეგმავენ.
დაფინანსებული
„მე-16 ელემენტის" და „ნაციონალიზმისა და კონფლიქტის კვლევის ინსტიტუტის“ (ISNC) , “Digital Interaction for Peace” / DIP Project-ის ფარგლებში გადაიღეს დოკუმენტური ფილმი სახელწოდებით "თაობა კონფლიქტს მიღმა".
სურსათის უვნებლობა მოქალაქეების ჯანსაღი და უსაფრთხო ცხოვრების ერთ-ერთი მნიშვნელოვანი კომპონენტია. პროდუქტებში შემავალმა საკვებმა დანამატებმა და გენეტიკურად მოდიფიცირებულმა ორგანიზმებმა შეიძლება გავლენა იქონიონ ჩვენს ჯანმრთელობაზე. ზუგდიდში, სხვადასხვა ლოკაციაზე, მოქალაქეებს ვკითხეთ, ამოწმებენ თუ არა ვადებს და ეტიკეტს პროდუქტის შეძენისას.
ზუგდიდში, ჩეხეთის რესპუბლიკის, შვედეთისა და ევროკავშირის მხარდაჭერით ხორციელდება პროექტი „ხალხი და რეგიონები სურსათის უვნებლობისთვის“, რომელშიც სხვადასხვა პროფილის სურსათის მწარმოებელი ბიზნეს ოპერატორები, ადგილობრივი ფერმერები და მეწარმეები მონაწილეობენ. პროექტის მიზანია რეგიონებში სურსათის უვნებლობის მიმართულებით საინფორმაციო გარემოს გაუმჯობესება და მოსახლეობის ინფორმირებულობის ამაღლება.
სტატია
ინტერვიუ
დღის სიახლეები
27 / აპრილი 2025
შინაგან საქმეთა სამინისტროს სამეგრელო-ზემო სვანეთის პოლიციის დეპარტამენტის დეტექტივების ნარკოდანაშაულის ბრალდებით მოლდოვის რესპუბლიკის მოქალაქე დააკავეს. ამის შესახებ ინფორმაციას შსს ავრცელებს.
26 / აპრილი 2025
ოკუპირებულ აფხაზეთსა და რუსეთს შორის ორმაგი მოქალაქეობის შესახებ შეთანხმება ძალაში შევიდა, მხარეებმა მისი რატიფიკაციის დოკუმენტები გაცვალეს, იტყობინება ე.წ. საგარეო საქმეთა სამინისტროს Telegram არხი.
25 / აპრილი 2025
სამეგრელოს ერთ-ერთ სოფელში, 7 წლის ბავშვზე ძალადობის ბრალდებით, პოლიციამ დედა და ბებია დააკავა.
გადაცემები
რუბრიკები
მულტიმედია
დილის ჩართვა
ოდაბადეშ კინოხონი
დადიანების სასახლეთა საგანძური
შენი საუკეთესო მომავლისთვის
მოქალაქეების აზრი
ჩვენი თვითმმართველობა
არქივი
ამინდი
ზუგდიდი
17
°C
სოხუმი
15
°C
ფოთი
15
°C
მესტია
5
°C
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
მასალის გამოყენების პირობები