ახალი ამბები
სოხუმმა ელექტროენერგიის ტარიფები 2012 წლის შემდეგ პირველად გაზარდა
აფხაზეთის დე ფაქტო რესპუბლიკის მთავრობამ ელექტროენერგიის მოხმარებაზე დაწესებული ტარიფები თითქმის ორჯერ გააძვირა, წერს გამოცემა "აიაირა". აღნიშნული ცვლილებებით, ფიზიკური პირები კვტ/სთ - ში 90 კაპიკს, იურიდიული პირები - 1.40 რუბლს, ხოლო კრიპტოვალუტის მაინინგის მომხმარებლები - 3,60 რუბლს გადაიხდიან. ეს უკანასკნელი ტარიფი კრიპტოვალუტის მაინინგზე დაწესებული აკრძალვების გაუქმების შემდეგ ამოქმედდება, წერს მედია საშუალება.

უკვე წლებია, სოხუმი ზამთრის პერიოდში ენერგოდეფიციტის აღმოფხვრას ვერ ახერხებს. ადგილობრივი ენერგოკომპანია "ჩერნომორენერგო" ამის მიზეზად ელექტროქსელებზე გაზრდილ დატვირთვას და ინფრასტრუქტურის ცვეთას, გამრიცხველიანების არარსებობას, შესაბამისად, მოსახლეობის ნაწილის მიერ ელექტროენერგიის საფასურის გადაუხდელობას და კრიპტოვალუტის მზარდ, უკანონო მაინინგს ასახელებს.

ზამთრის პერიოდში "აფხაზეთს ელექტროენერგია რუსეთიდან მიეწოდებოდა, რაც რესპუბლიკის ტერიტორიის დაახლოებით ორ მესამედს უზრუნველყოფს, დანარჩენს კი (გალის, ტყვარჩელის და ოჩამჩირის რაიონები) "ვარდნილ ჰესი-1" ამარაგებდა. 31 მარტს კომპანია "ჩერმორენერგომ" მოსახლეობა დააუწყა, რომ რუსეთიდან ელექტროენერგიის გადმოქაჩვა მაღალი ძაბვის ხაზის - "ფსოუს 220 " - ის მეშვეობით შეწყდა, ამჟამად ელექტროენერგია აფხაზეთს მხოლოდ 110 კვ გადამცემი ხაზით მიეწოდება.

ენგურჰესში დაგვიდასტურეს, რომ 1 აპრილიდან რუსეთიდან გამოირთო აფხაზეთის მომარაგება და ახლა დე ფაქტო რესპუბლიკას ისევ მთლიანად ენგურჰესი ამარაგებს. ენგურჰესის ტექნიკური დირექტორის გია ხუბუას თქმით, აფხაზეთში ელექტროენერგიის მზარდი, გადაუხდელი მოხმარება წლების დიდ პრობლემას წარმოადგენს, რომლის გადაჭრას აფხაზური მხარე, ჯერჯერობით, ვერ ახერხებს და ჰესსაც მძიმე ტვირთად აწვება.

"რთული სიტუაციაა და ვფარავთ, მაგრამ, გაჭირვებით, იმედი გვაქვს, რომ მალე მოიმატებს წყალი და დათბობასთან ერთად, მოხმარებაც ცოტას მოიკლებს... გათბობის საშუალებებიც ჯერ გამორთული არ არის, მაგრამ, ჩემი აზრით, ეს მაინინგი ისევ არის, საკმაოდ დიდი რაოდენობით. გამრიცხველიანება არ ხდება, ფასების აწევა არ ხდება, ჯერჯერობით, რაიმე ხელშესახები, მოხმარების ზრდა მაინც რომ შეჩერდეს, არ ხდება პერმანენტულად იზრდება, ჯერჯერობით მუდმივად იზრდება", - გვითხრა ხუბუამ.

სოხუმის გადაწყვეტილებით, ელექტროენერგიაზე ტარიფების გაორმაგების შესახებ დადგენილება 2022 წლის 1 ივლისიდან შევა ძალაში.

ელექტროენერგიის ტარიფები აფხაზეთში 2012 წლის შემდეგ პირველად შეიცვალა.

Print Email
FaceBook Twitter
დაფინანსებული
„მე-16 ელემენტის" და „ნაციონალიზმისა და კონფლიქტის კვლევის ინსტიტუტის“ (ISNC) , “Digital Interaction for Peace” / DIP Project-ის ფარგლებში გადაიღეს დოკუმენტური ფილმი სახელწოდებით "თაობა კონფლიქტს მიღმა".
სურსათის უვნებლობა მოქალაქეების ჯანსაღი და უსაფრთხო ცხოვრების ერთ-ერთი მნიშვნელოვანი კომპონენტია. პროდუქტებში შემავალმა საკვებმა დანამატებმა და გენეტიკურად მოდიფიცირებულმა ორგანიზმებმა შეიძლება გავლენა იქონიონ ჩვენს ჯანმრთელობაზე. ზუგდიდში, სხვადასხვა ლოკაციაზე, მოქალაქეებს ვკითხეთ, ამოწმებენ თუ არა ვადებს და ეტიკეტს პროდუქტის შეძენისას.
ზუგდიდში, ჩეხეთის რესპუბლიკის, შვედეთისა და ევროკავშირის მხარდაჭერით ხორციელდება პროექტი „ხალხი და რეგიონები სურსათის უვნებლობისთვის“, რომელშიც სხვადასხვა პროფილის სურსათის მწარმოებელი ბიზნეს ოპერატორები, ადგილობრივი ფერმერები და მეწარმეები მონაწილეობენ. პროექტის მიზანია რეგიონებში სურსათის უვნებლობის მიმართულებით საინფორმაციო გარემოს გაუმჯობესება და მოსახლეობის ინფორმირებულობის ამაღლება.
სტატია
დღის სიახლეები
04 / აპრილი 2025
აფხაზეთის თვითგამოცხადებული რესპუბლიკის ახალმა ე.წ. პრეზიდენტმა ბადრა გუნბამ ხელი მოაწერა განკარგულებას ვლადიმერ დელბას „პრემიერ-მინისტრად“ დანიშვნის შესახებ.
04 / აპრილი 2025
გარემოსდაცვითი ზედამხედველობის დეპარტამენტის ინფორმაციით, 2025 წლის მარტში სამეგრელო-ზემო სვანეთში ხე-ტყის უკანონო მოპოვება-ტრანსპორტირების 32 შემთხვევა აღირიცხა.
03 / აპრილი 2025
სამეგრელოში სანეფო სუფრისთვის, ქორწილის წინა დღეს ,,სარიტუალო პურს და ჭვიშტარს“ აცხობდნენ,რომლებიც სპეციალური დანიშნულების იყო. რიტუალური პურების დაცხობა ყველას როდი შეეძლო. მთელს ,,სამოხიოში“ რამდენიმე ქალი თუ იქნებოდა ამ საქმეში დახელოვნებული, რის გამოც მათ დიდი პატივით ეპყრობოდნენ. დღევანდელ გადაცემაში აღწერილია როგორ მზადდებოდა, რამდენი სახის პური ცხვებოდა და რა იყო ამ ტრადიციის მთავარი აზრი.
ოდაბადეშ კინოხონი
დადიანების სასახლეთა საგანძური
მთავარი საინფორმაციო გამოშვება
ჩვენი თვითმმართველობა
არქივი
«« აპრილი 2025 »»
31 1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 1234
ამინდი
ზუგდიდი 17 °C
img
სოხუმი 15 °C
img
ფოთი 15 °C
img
მესტია 5 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.