ახალი ამბები
დე ფაქტო პრეზიდენტის ადმინისტრაცია: ტექსტი არ გულისხმობს წინადადებას "მიწის გაყიდვის" შესახებ
აფხაზეთის დე ფაქტო რესპუბლიკის პრეზიდენტის ადმინისტრაციის მედიასთან ურთიერთობის დეპარტამენტი განმარტებებს აკეთებს სოციალურ ქსელებში და ზოგიერთ მედიასაშუალებებში გერმანული კომპანია FVT - Group & Partner-ის აფხაზეთის ხელმძღვანელობისადმი მიმართვის წერილის გამოქვეყნებასთან დაკავშირებით.

განცხადებაში ნათქვამია, რომ აღნიშნული წერილის ტექსტი არანაირად არ გულისხმობს წინადადებას "მიწის გაყიდვის", "უცხოეთის მოქალაქეების განსახლების", "ქონების უცხოელი მოქალაქეების საკუთრებაში გადაცემის შესახებ".

"ეხო კავკაზას" თანახმად, ტელეგრამის არხი Respublica  აქვეყნებს გერმანული კომპანიის, FVT - Group & Partner-ის წერილს (დსთ-ში წარმომადგენლობის სახელწოდებაა სააქციო საზოგადოება ХК "Партнер+") აფხაზეთის დე ფაქტო რესპუბლიკის ე.წ. პრემიერ-მინისტრის, ალექსანდრ ანქვაბისადმი. დოკუმენტის თანახმად, კომპანია მას აფხაზეთში 6 მლრდ ევროს ინვესტიციას სთავაზობს ქალაქური ტიპის დასახლების ან 10-12 ათას-კაციანი "მცირე საკურორტო ქალაქის" მშენებლობისთვის. ამასთან, კომპანიაში აცხადებენ, რომ ეს "ჰუმანიტარული პროექტია" და თანხები "საქველმოქმედო სახსრების ფარგლებში" გამოიყოფა.

ინვესტორი მშენებლობისთვის 5 კვადრატული კილომეტრის მიწის ნაკვეთს ითხოვს (500 ჰა), ამასთან წარადგენს მიზნების შესახებ დეკლარაციას, რომლითაც მოითხოვს 6 მლრდ ევროს ოდენობის სახელმწიფო გარანტიას ხელისუფლების შეცვლის და სხვა შემთხვევებში საინვესტიციო კრახის თავიდან ასაცილებლად.

Respublica -ს თანახმად, გერმანულ კომპანიას აფხაზეთის დე ფაქტო რესპუბლიკის პრემიერ-მინისტრის ნაცვლად, "პრეზიდენტმა" უპასუხა. ასლან ბჟანიას მიერ 13 მაისს ინვესტორისთვის გაგზავნილ წერილში ნათქვამია, რომ "აფხაზეთის რესპუბლიკის ხელმძღვანელობა გამოთქვამს თანამშრომლობისთვის მზადყოფნას და სრული ნდობით იძლევა დაგეგმილი მიზნებისთვის მიწის ნაკვეთის უზრუნველყოფის გარანტიას, კომუნიკაციების მშენებლობისა და კავშირგაბმულობის ნებართვების საჭირო პაკეტით".

დღეს გამოქვეყნებულ განცხადებაში ასევე ნათქვამია, რომ დღემდე, გერმანული კომპანიის და "აფხაზეთის ქვეყნის უფლებამოსილი ორგანოების წარმომადგენელთა" არც ერთი შეხვედრა არ გამართულა.



Print Email
FaceBook Twitter
დაფინანსებული
წალენჯიხის მუნიციპალიტეტში ფონდი „სოხუმის“ ფორუმ-თეატრის წარმომადგენლების ჩვენება გაიმართა, რომელშიც მონაწილეობდნენ ახალგაზრდული ჯგუფი და ურთიერთდახმარების ქალთა ჯგუფი.
„მე-16 ელემენტის" და „ნაციონალიზმისა და კონფლიქტის კვლევის ინსტიტუტის“ (ISNC) , “Digital Interaction for Peace” / DIP Project-ის ფარგლებში გადაიღეს დოკუმენტური ფილმი სახელწოდებით "თაობა კონფლიქტს მიღმა".
სურსათის უვნებლობა მოქალაქეების ჯანსაღი და უსაფრთხო ცხოვრების ერთ-ერთი მნიშვნელოვანი კომპონენტია. პროდუქტებში შემავალმა საკვებმა დანამატებმა და გენეტიკურად მოდიფიცირებულმა ორგანიზმებმა შეიძლება გავლენა იქონიონ ჩვენს ჯანმრთელობაზე. ზუგდიდში, სხვადასხვა ლოკაციაზე, მოქალაქეებს ვკითხეთ, ამოწმებენ თუ არა ვადებს და ეტიკეტს პროდუქტის შეძენისას.
სტატია
დღის სიახლეები
29 / მაისი 2025
ძველ სამეგრელოში გავრცელებული ტანსაცმლის კომპლექსების მიხედვით მეგრელები ასხვავებენ სადღესასწაულო და საგარეო ჩაცმულობას, საშინაოსგან. ერთმანეთს უპირისპირებენ საქორწილოსა და სამგლოვიარო სამოსელს. დღევანდელ გადაცემაში საუბარია საქორწილო სამოსზე ,,სამოჭყუდო მუკაქუნალზე“. როგორი ნაჭრისგან იკერებოდა,როგორი ფორმის იყო და ასევე ხაზგასმითაა აღწერილი თავსაბურავი რომელიც ძალიან დიდი მნიშვნელობის მატარებელი იყო ქორწილის დღეს.
29 / მაისი 2025
ზუგდიდში, ცენტრალური ბულვარის ტერიტორიაზე, ზვიად გამსახურდიას ბიუსტის მიმდებარედ მოქალაქეებმა მეგრული ენის დღე აქციით აღნიშნეს. ადგილზე გაშლილია ბანერი წარწერით: „მიგახვამანთ მარგალურ ნინაშ დღას, ფალუა მარგალურ ნინას“
29 / მაისი 2025
გალის რაიონში დააკავეს თურქეთისა და აზერბაიჯანის მოქალაქეები დააკავეს. ინფორმაციას აფხაზეთის დე ფაქტო რესპუბლიკის „სახელმწიფო უსაფრთხოების სამსახური“ ავცრელებს.
დილის ჩართვა
ოდაბადეშ კინოხონი
ჩვენი თვითმმართველობა
არქივი
ამინდი
ზუგდიდი 17 °C
img
სოხუმი 15 °C
img
ფოთი 15 °C
img
მესტია 5 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.