რუსეთის გეოგრაფიული საზოგადოება გალის რაიონში წარმომადგენლობას და ახალგაზრდულ კლუბს გახსნის, წერს „აფსადგილ ინფო“, გალის ე.წ. ადმინისტრაციის ინფორმაციაზე დაყრდნობით.

ამავე ცნობით, მათ გადაწყვეტილება, საპრეზიდნეტო ლიცეუმის „სირიუსის“ წარმომადგენლების ვიზიტის დროს მიიღეს.

„მათი გაოცება გამოიწვია იმ ფაქტმა, რომ გალის რეგიონის ახალგაზრდობა საერთოდ არ განიხილავს სწავლის რუსეთში გაგრძელებას - ისინი უბრალოდ მიემგზავრებიან საქართველოს ტერიტორიაზე. ამ პრობლემას ვაწყდებით უკვე მრავალი წელია, “ - აღნიშნეს ე.წ. ადმინისტრაციაში.

„ახალგაზრდული კლუბის შექმნა ხელს შეუწყობს ბავშვების თავისუფალი დროის დაკავებას და გააცნობს მათ რუსეთის საგანმანათლებლო შესაძლებლობებს. კლუბის მონაწილეებს შეეძლებათ მიიღონ საგზურები „არტეკის“ ბავშვთა ბანაკში და წარმოადგინონ რესპუბლიკა რუსეთში რუსეთის გეოგრაფიული საზოგადოების საგანმანათლებლო სესიებზე“, - ვკითხულობთ ინფორმაციაში.

აქვე აღნიშნულია, რომ რუსეთის გეოგრაფიული საზოგადოების წარმომადგენლობას და ახალგაზრდულ კლუბს ე.წ. ადმინისტრაციის ახალგაზრდობისა და სპორტის განყოფილების უფროსი ბაჩუკი ეხვაია უხელმძღვანელებს.


ამავე თემაზე: გალში რუსული ენის შემსწავლელი ცენტრი გაიხსნა

DRI გალში რუსული პროპაგანდის გაძლიერებაზე საუბრობს