გარემოს დაცვისა და სოფლის მეურნეობის სამინისტროს გარემოსდაცვითი ზედამხედველობის დეპარტამენტის თანამშრომლებმა, უკანონო
ტყითსარგებლობასთან ბრძოლის ფარგლებში, სამეგრელოში, სოფელ ანაკლიაში უკანონო სახერხი საამქრო გამოავლინეს. ამის შესახებ ინფორმაცია უწყების ვებ გვერდზე გამოქვეყნდა.
მათივე ცნობით, არარეგისტრირებული, ცირკული ტიპის სახერხი საამქრო სასტუმროს ტერიტორიაზე იყო განთავსებული.
![](/images/temp/2024/07/10/60af49e4974e27c4e9c35a20db336afd.jpg)
"უკანონო სახერხი საამქროს მიმდებარედ, პირველადი გადამუშავების პროდუქტი - ფიცარი იყო. უკანონო სახერხი დანადგარი დაილუქა. ვინაიდან, ფაქტი შეიცავს სისხლის სამართლის დანაშაულის ნიშნებს, საქმის მასალები გადაგზავნილია შესაბამის უწყებაში", - განმარტავენ უწყებაში.
გზდ-ში აცხადებენ, რომ დეპარტამენტის ეკიპაჟები ქვეყნის მასშტაბით 24 საათი, უწყვეტად პატრულირებენ, რათა დროულად მოხდეს უკანონო ტყითსარგებლობის, ნადირობის, თევზჭერისა და სხვა გარემოსდაცვითი სამართალდარღვევის ფაქტების პრევენცია, გამოვლენა და აღკვეთა.
ფოტო: გარემოსდაცვითი ზედამხედველობის დეპარტამენტი
მასალის გამოყენების პირობები