ოკუპირებული ოჩამჩირის პორტში რუსეთის შავი ზღვის ფლოტის პირველი სამხედრო გემი შევიდა. საზღვაო თავდაცვის საკითხებზე ორიენტირებული ინტერნეტგამოცემა Navalnews - ი ავრცელებს ინფორმაციას.

ამავე ცნობით, სამხედრო ხომალდი, სავარაუდოდ, Project 22870-ია, რომელიც საბუქსირო - სამაშველო ხომალდად ითვლება, თუმცა როგორც სამხედრო ექსპერტების წერენ, სამხედრო მიზნებისთვისაც გამოიყენება, სადესანტო გემების გასაცილებლად და საომარი მოქმედებების დროს სარაკეტო სისტემების გადასატანად.

გამოცემის მიერ გამოქვეყნებული სატელიტური ფოტოების მიხედვით, ეს სამხედრო ხომალდი 28 ივნისს ნოვოროსიისკის პორტში იყო გაჩერებული, 1 ივლისს მისი კვალი ქრება და 4  -  5 ივლისის ფოტოებით, ის უკვე ოჩამჩირის პორტთან ჩნდება.

აქვე ვკითხულობთ, რომ 3 ივლისს უკრაინის დაზვერვის მთავარმა სამმართველომ მიიტანა იერიში ნოვოროსიისკის პორტზე. ერთ - ერთი ვერსიით, ამ შეტევის დროს, ხომალდი ღია ზღვაში იყო და ოჩამჩირეში უსაფრთხო ადგილის ძებნისას შევიდა.

მედიაში გავრცელებულ ინფორმაციასთან დაკავშირებით თბილისში ოფიციალური კომენტარები არ გაუკეთებიათ.

2023 წლის ოქტომბრის დასაწყისში, ოკუპირებული აფხაზეთის ე.წ. პრეზიდენტმა, ასლან ბჟანიამ ოჩამჩირის რეგიონში რუსეთის საზღვაო ფლოტის მუდმივი ბაზების შექმნის შესახებ განაცხადა, 19 ოქტომბერს გამართულ პრესკონფერენციაზე კი თქვა, რომ "რუსეთის საზღვაო ძალების ბაზის განლაგება ოჩამჩირეში შეესაბამება აფხაზეთის ინტერესებს".

იმავე თემაზე:

ბაზა დამატებითი ინსტრუმენტია, თუმცა მთავარი პრობლემა ოკუპაციაა - პაპუაშვილი ოჩამჩირის პორტში რუსული ფლოტის განთავსებაზე

რუსეთი ოჩამჩირის ნავსადგურის სამხედრო პორტად გადასაქცევად მუშაობს - ანტისაოკუპაციო მოძრაობა

შამბა ოჩამჩირეში რუსული ბაზის განთავსებაზე - ეს მხოლოდ აძლიერებს ჩვენს უსაფრთხოებას

ოჩამჩირეში რუსული სამხედრო ბაზების განთავსება არღვევს საქართველოს სუვერენიტეტს - სტოლტენბერგი

სოხუმში გააკრეს პლაკატები წარწერით - "აფხაზეთი რუსული ხომალდების ადგილი არ არის!"

ოჩამჩირეში რუსეთის სამხედრო ბაზების განლაგებასთან დაკავშირებით საპარლამენტო ოპოზიცია საერთაშორისო პარტნიორებს მიმართავს

ანაკლიიდან 4 კილომეტრში რუსული საზღვაო ფლოტის განთავსებაზე ხელისუფლების რეაგირება არასაკმარისია - DRI