სტატისტიკის ეროვნული სამსახურის მონაცემებით, 2022-2023 წლებში 14 911-მა მოსწავლემ სწავლა შეწყვიტა. მათგან 8 502 ბიჭი, ხოლო 6 409 გოგოა. მათი საერთო რაოდენობა 6 065- ით აღემატება 2021-2022 წლების მაჩვენებელს.

საქსტატის დოკუმენტში აღნიშნულია, რომ სასწავლო პროცესს ყველაზე მეტი - 6 247 მოზარდი მე-10 კლასიდან გამოეთიშა.

ინფორმაციისთვის, 2023 წლის მონაცემებით, ზოგადსაგანმანათლებლო დაწესებულებებში 634 300 მოსწავლეა აღრიცხული.

ცნობისთვის, პარლამენტში მიღებული გადაწყვეტილებით, განათლების საბაზო საფეხური, რომელიც მე-6 - მე-9 კლასებს მოიცავდა 1 წლით იზრდება და 4 წლით განისაზღვრება. განათლების სამინისტროს განმარტებით, ცვლილების ერთ-ერთი მიზეზია იმ მოსწავლეთა რაოდენობის საკმაოდ მაღალი მაჩვენებელი, რომლებიც სკოლას მე-9 კლასის შემდეგ ტოვებენ (3 200-მდე მოსწავლე 2023 წელს), მათი შრომის ბაზარზე დასაქმების პერსპექტივა კი ძალიან დაბალია.



ამავე თემაზე:

მოსწავლეები სავალდებულო საბაზო განათლებას 10 კლასის ჩათვლით მიიღებენ - სამინისტრო