აბიტურიენტებისათვის 2024 წლის ერთიანი ეროვნული გამოცდების პირველადი შედეგების გამოქვეყნება დღეს, 3 აგვისტოს, დილის 10:00 საათიდან დაიწყო.

აბიტურიენტები პირველ ჯერზე ქართული ენისა და ლიტერატურის და ოსურის ენის გამოცდების პირველადი შედეგებს შეიტყობენ. ინფორმაციას გამოცდების ეროვნული ცენტრი აქვეყნებს. 

ამავე ცნობით, საკუთარი შედეგის გასაგებად აბიტურიენტი უნდა შევიდეს ვებგვერდზე https://online.naec.ge/defonline/entrantdefault , შესაბამის ველში კი მიუთითოს პირადი ნომერი და ხუთნიშნა პაროლი.

შედეგების გამოქვეყნება 5 აგვისტოდან უცხოური ენის შედეგით განახლდება. 

„შეფასებისა და გამოცდების ეროვნული ცენტრი ეტაპობრივად, ნაშრომების გასწორების დასრულებისთანავე გამოაქვეყნებს აბიტურიენტთა პირველად შედეგებს სხვა საგამოცდო საგნებშიც.“- ნათქვამია განცხადებაში.

ქვეყნის მასშტაბით, მიმდინარე წლის ერთიანი ეროვნული გამოცდები დღეს, 26 ივლისს დასრულდა.

2024 წლის 3 ივლისიდან აბიტურიენტებმა გამოცდები სხვადასხვა საგანში, მათ შორის ქართულ ენასა და ლიტერატურაში, უცხო ენაში, მათემატიკაში, ისტორიაში, გეოგრაფიასა და ფიზიკაში ჩააბარეს.

წელს, ერთიანი ეროვნული გამოცდებისათვის რეგისტრაცია 47 ათასზე მეტმა აბიტურიენტმა გაიარა. სტუდენტთა საგრანტო კონკურსში მონაწილეობის სურვილი 3000-ზე მეტმა სტუდენტმა გამოთქვა, ხოლო საერთო სამაგისტრო გამოცდისათვის ელექტრონული განაცხადი 10 000-ზე მეტმა აპლიკანტმა შეავსო.