სოხუმში აცხადებენ, რომ „აფხაზეთში რუსეთის საელჩო“ აწარმოებს დიალოგს რუსეთში მყოფ რამდენიმე დიპლომატიურ მისიასთან, „რესპუბლიკის დამოუკიდებლობის აღიარების“ თაობაზე. ამის შესახებ „ტასს“ „რუსეთში აფხაზეთის ელჩმა“ ალხას კვიცინიამ განუცხადა.
„ჩვენ აქტიურად ვმუშაობთ ამ მიმართულებით... ფაქტობრივად, ჩვენ ამ საკითხში ძალიან კარგ პროგრესს ვაღწევთ“, - აღნიშნა მან და დასძინა, რომ „პოლიტიკური მიზეზების გამო არ ახსენებს ქვეყნებს, რომლებთანაც დიალოგი მიმდინარეობს.

საქართველოს აფხაზეთისა და ცხინვალის რეგიონები რუსეთმა 2008 წლის აგვისტოს ომის შემდეგ დამოუკიდებელ ქვეყნებად აღიარა, იმავე წლის სექტემბერში ნიკარაგუამ ცნო აფხაზეთის დამოუკიდებლობა, 2009 კი ვენესუელამ და ნაურუმ, ხოლო 2018 წელს - სირია.