რუსეთის მთავრობამ მოსკოვსა და სოხუმს შორის „საშემოსავლო გადასახადის ორმაგი დაბეგვრის აღმოფხვრის შესახებ“ კანონპროექტები დაამტკიცა, რუსეთის ფინანსთა სამინისტრო ავრცელებს ინფორმაციას.

ხელშეკრულება ითვალისწინებს საშემოსავლო გადასახადის განაკვეთების გათანაბრებას დივიდენდებსა და როიალტზე(საფასური საკუთრების გამოყენების უფლებისთვის, მათ შორის: სასარგებლო წიაღისეულის მოპოვებისთვის, პატენტის, სავაჭრო ნიშნის და ა.შ. გამოყენებისთვის) 10%-ის ოდენობით. შეთანხმება ასევე ითვალისწინებს ნულოვანი გადასახადს სახელმწიფოსგან გაცემულ სესხებზე დარიცხულ საპროცენტო შემოსავალზე(საწყის სახელმწიფოში). ამ შემთხვევაში გადასახადები ჩაირიცხება იმ ქვეყნის ბიუჯეტში, რომელიც გასცემს სესხს, ვკითხულობთ ინფორმაციაში.

„აფსნიპრესის“ თანახამად, შესაბამისი შეთანხმება მხარეებს შორის სოხუმში 7 მაისს გაფორმდა, მისი რატიფიცირება კი წლის ბოლომდე იგეგმება.