აფხაზეთის თვითაღიარებულ რესპუბლიკაში „როსსოტრუდნიჩესტვოს“ წარმომადგენლობის ხელმძღვანელი ვლადისლავ კულიკოვი გალის მე-2 სკოლის დირექტორს ახრა კვეკვესკირს და გალის რაიონის „რეგიონული საგანმანათლებლო განყოფილების“ წარმომადგენელს უფროსის პაატა გამახარია შეხვდა, წერს „გალმედია“.

ამავე ცნობით, შეხვედრის მონაწილეები შეთანხმდნენ „რუსეთის საგანმანათლებლო დაწესებულებებთან კონტაქტების დამყარებაზე“, გარდა ამისა, გადაწყდა, რომ გალის მე-2 სკოლას რუსული სასწავლო - მეთოდური ლიტერატურით მოამარაგებს. 

მანამდე „როსსოტრუდნიჩესტვოს“ წარმომადგენელმა გალის ჰუმანიტარულ კოლეჯს გადასცა საჩუქრად რუსული წიგნები.

მიმდინარე წლის ივნისში გალის რაიონის ე.წ. ადმინისტრაციის წარმომადგენელმა, გალში რუსეთის გეოგრაფიული საზოგადოების წარმომადგენლობისა და ახალგაზრდული კლუბის გაიხსნის შესახებ განაცხადა.

უფრო ადრე, 2023 წლის ივლისში გალში რუსული ენის შემსწავლელი ცენტრი გაიხსნა. 

გალის რეგიონში რუსული პროპაგანდის გააქტიურებაზე მიმდინარე წლის ივნისში დემოკრატიის კვლევის ინსტიტუტი წერდა.

ინფორმაციისთვის, “როსსოტრუდნიჩესტვო“ (რუსეთის ფედერაციის დამოუკიდებელ სახელმწიფოთა თანამეგობრობის, საზღვარგარეთ მცხოვრები თანამემამულეების და საერთაშორისო ჰუმანიტარული თანამშრომლობის) წარმომადგენლობა სოხუმში 2009 წლის 18 დეკემბერს გაიხსნა. აფხაზური მედიის თანახმად, მისი მთავარი ამოცანაა „რუსეთის ფედერაციასა და აფხაზეთს შორის კულტურული, საგანმანათლებლო, სამეცნიერო, ტექნიკური და საინფორმაციო კავშირების განვითარება, კულტურული და საგანმანათლებლო საქმიანობა".