ცენტრალური საარჩევნო კომისიის წინასწარი შედეგების მიხედვით, ამ დროისთვის ქვეყანაში 3111 საარჩევნო უბნიდან დათვლილია 3100 საარჩევნო უბნის შედეგი. ცესკოს ვებ გვერდზე გამოქვეყნებულია ზუგდიდის 67-ე ოლქის მონაცემებიც, რომლის მიხედვითაც საქართველოს საპარლამენტო არჩევნებზე პარტიებისთვის მიცემული ხმები შემდეგნაირად გადანაწილდა:

3 - საქართველოს ერთობისა და განვითარების პარტია – 86 ხმა

4 - კოალიცია ცვლილებისთვის გვარამია მელია გირჩი დროა - 10842 ხმა (19.841%)

5 - ერთიანობა-ნაციონალური მოძრაობა – 7064 ხმა (12.927%)

6 - ევროპელი დემოკრატები – 259 ხმა (0.474%)

8 - საქართველოს პატრიოტთა ალიანსი – 605 ხმა (1.107%)

9 - ძლიერი საქართველო-ლელო, ხალხისთვის, თავისუფლებისთვის! – 2690 ხმა (4.923%)

10 - საქართველოს ლეიბორისტული პარტია – 130 ხმა (0.238%)

12 - ჩვენი გაერთიანებული საქართველო – 32 ხმა (0.059%)

16 - შეცვალე საქართველო – 143 ხმა (0.262%)

17 - საქართველო - 34 ხმა (0.062%)

20 - თავისუფალი საქართველო – 60 ხმა (0.11%)

21 - ტრიბუნა – 82 ხმა (0.15%)

23 - ჩვენ – 29 ხმა (0.053%)

25 - გახარია საქართველოსთვის – 3542 ხმა (6.482%)

26 - მემარცხენე ალიანსი – 27 ხმა (0.049%)

27 – ქართველ ერთობა - 346 ხმა (0.633%)

36 – გირჩი -885 (1.62%)

41 - ქართული ოცნება – 27789 ხმა (50.854%)

ზუგდიდის საოლქო საარჩევნო კომისიის თავმჯდომარემ მირანდა მესხმა რადიო "ათინათს" უთხრა, რომ ოლქში 21 საჩივარია შესული, თუმცა, მისივე თქმით, ეს საჩივრები კენჭისყრის შედეგებზე გავლენას არ იქონიებს.

ამავე ცნობით, 26 ოქტომბრის 20:00 საათის მონაცემებით, ზუგდიდის 67-ე საარჩევნო ოლქში ამომრჩეველთა აქტივობა 55 098-ს შეადგენდა. მუნიციპალიტეტის მასშტაბით, რეგისტრირებული იყო 116 526 ამომრჩეველი.

ცნობისთვის, ქვეყნის მასშტაბით, ცესკო-ს წინასწარი შედეგების მიხედვით, საპარლამენტო არჩევნებში "ქართული ოცნება - დემოკრატიული საქართველო" 54.086%-ით (1 117 480 ხმა) ლიდერობს. მეორე ადგილზეა "კოალიცია ცვლილებისთვის - გვარამია, მელია, გირჩი, დროა", რომელმაც 10.923 % (225 680 ხმა) მიიღო, მესამეზე კი "ერთიანობა - ნაციონალურმა მოძრაობა" - 10.122% - ით (209 137 ხმა).