არასამთავრობო ორგანიზაციების მიერ წარდგენილი საჩივრები, რომლებიც ზუგდიდის, სენაკისა და ხობის ცალკეულ უბნებზე 26 ოქტომბრის არჩევნების შედეგების გაბათილებას ეხებოდა, სასამართლოებმა არ დააკმაყოფილეს.

როგორც "საერთაშორისო გამჭვირვალობა - საქართველოს" რეგიონული ოფისის ხელმძღვანელმა არჩილ თოდუამ რადიო "ათინათს" უთხრა, არასამთავრობო ორგანიზაციები ფიქრობენ, რომ არჩევნების დღეს, მათი დამკვირვებლების მიერ აღმოჩენილმა დარღვევებმა კენჭისყრის შედეგებზე მნიშვნელოვანი გავლენა მოახდინა.

"ჩვენ ვითხოვდით ზუგდიდის, სენაკისა და ხობის რამდენიმე უბანზე კენჭისყრის შედეგების შემაჯამებელი ოქმების გაბათილებას. ვფიქრობთ, რომ არჩევნების დღის განმავლობაში ჩვენი დამკვირვებლების მიერ აღმოჩენილი დარღვევები მნიშვნელოვან გავლენას ახდენდა შედეგებზე და რეალურად, ცვლიდა კენჭისყრის შედეგებს. მიგვაჩნია, რომ კონკრეტულ უბნებზე ზუგდიდში, ხობში და სენაკში კენჭისყრის შედეგების გაბათილება. ამ საკითხებზე ჩვენ მივმართეთ საოლქო საარჩევნო კომისიებს, რომლებმაც ჩვენი პოზიცია არ გაიზიარეს. აღნიშნული დავები გავაგრძელეთ ზუგდიდისა და სენაკის რაიონულ და ფოთის საოლქო სასამართლოებში. მათაც არ დააკმაყოფილეს სარჩელი", - თქვა მან.

TI - საქართველოს წარმომადგენელი აღნიშნავს, რომ ორგანიზაციები აღნიშნულ გადაწყვეტილებას სასამართლოს ზემდგომ ინსტანციაში გაასაჩივრებენ.

ცნობისთვის, ზუგდიდის 67-ე საოლქო საარჩევნო კომისიაში განხილული 7 საჩივრიდან ყველა მათგანი უსაფუძვლოდ მიიჩნიეს.

ამავე თემაზე: 

ზუგდიდის 67-ე საოლქო საარჩევნო კომისიამ არცერთი საჩივარი არ დააკმაყოფილა