ზუგდიდის მუნიციპალიტეტის, სოფელ ჯიხაშკარის N1 საჯარო სკოლის VIII, IX, X, XI, XII კლასების მოსწავლეები განცხადებას ავრცელებენ, რომელშიც საქართველოში მიმდინარე მოვლენებს ეხმიანებიან და აცხადებენ, რომ გმობენ ძალადობას, იმ ადამიანების მიმართ, რომლებიც იბრძვიან ევროპული მომავლის დასაცავად.

„ვუერთდებით რამდენიმე სკოლის მიერ წინ გადადგმულ ნაბიჯს.
ვგმობთ საქართველოში განვითარებულ მოვლენებს,რომელიც ეწინააღმდეგება კონსტიტუციის 78 მუხლს, რომელიც მოიცავს ევროპულ და ევროატლანტიკურ სტრუქტურებში ინტეგრაციას და ვიფიცებით იმის საფუძველზე, რომ ქვეყანა გამოვასწოროთ. ჩვენ გვერდით ვუდგებით იმ ადამიანებს, რომლებიც იბრძვიან ჩვენი ევროპული მომავლის დასაცავად. 
ვგობთ ყველანაირ ძალადობასა და ზეწოლას, რომელიც საპროტესტო აქციის მონაწილეებზე ვრცელდება.
წინ ევროპისკენ!!!“, - წერენ ახალგაზრდები სოციალურ ქსელში.

ზუგდიდის სკოლების მოსწავლეთა ნაწილი დილიდან იფიცება.

თბილისში და მთელი საქართველოს მასშტაბით მიმდინარე პროტესტის მონაწილე ახალგაზრდებს სოლიდარობას უცხადებენ სამეგრელოს, მათ შორის, ზუგდიდის რამდენიმე სკოლის მოსწავლეთა თვითმმართველობები.

ისინი მიიჩნევენ, რომ ახალგაზრდები იცავენ ქვეყნის ისტორიულ მისწრაფებას - ევროპასთან ინტეგრაციას.

შეგახსენებთ, 28 ნოემბერს, ირაკლი კობახიძემ განაცხადა, რომ 2028 წლის ბოლომდე საქართველო ევროკავშირთან მოლაპარაკებების გახსნის საკითხს დღის წესრიგში არ დააყენებს, რასაც თბილისში და საქართველოს სხვადასხვა ქალაქში, მათ შორის, ზუგდიდში, საპროტესტო აქციები მოჰყვა.