აფხაზეთის დე ფაქტო რესპუბლიკის ე.წ. პრეზიდენტის მოვალეობის შემსრულებელმა ბადრა გუნბამ ხელი მოაწერა განკარგულებას, გალის რაიონში "განსაკუთრებული ეკონომიკური ზონის" გაუქმების შესახებ, წერს „აფსნიპრესი“.

მანამდე ე.წ. პრეზიდენტის ადმინისტრაციაში გამართულ შეხვედრაზე, გალის რაიონის ე.წ. ადმინისტრაციის ხელმძღვანელმა კონსტანტინე ფილიამ განაცხადა, რომ „სპეციალურ ეკონომიკურ ზონას 7 ათას ჰექტარზე მეტი მიწა უჭირავს და 70 მილიონ რუბლზე მეტი მიწის გადასახადის დავალიანება აქვს“.

გუნბამ, ე.წ. პრეზიდენტის ადმინისტრაციის ხელმძღვანელს დაავალა, მოამზადოს განკარგულება გალში სპეციალური ეკონომიკური ზონის ლიკვიდაციის შესახებ, „რომელსაც არანაირ სარგებელი არ მოაქვს ქვეყნისთვის და არც მიწის გადასახადს იხდის“.

აფხაზური მედიის ცნობით, გალში "განსაკუთრებული ეკონომიკური ზონა" - „ამრა“, 2016 წელს, მაშინდელი „პრეზიდენტის“ რაულ ხაჯინბას განკარგულებით შეიქმნა.

მანამდე, გალის რაიონის ე.წ. ადმინისტრაციის იმდროინდელმა ხელმძღვანელმა, თემურ ნადარაიამ მიმართა რაულ ხაჯიმბას, გალის რაიონში "განსაკუთრებული ეკონომიკური ზონის" შექმნის წინადადებით. მან განაცხადა, რომ ამ მიზნით, დაბალ ზონაში მოსახლეობისთვის 7 ჰექტარი მიწის გადაცემა იგეგმება.