"საქართველოს საკანონმდებლო მაცნეში" 2024 წლის 29 დეკემბერს გამოქვეყნდა რიგი კანონებისა, რომლებიც პარლამენტმა 13 დეკემბერს მიიღო.

მათ შორის არის ის კანონპროექტები, როლებსაც მიხეილ ყაველაშვილმა ინაუგურაციის დღესვე მოაწერა ხელი. მათი ნაწილი ხელმოწერისთანავე შედის ძალაში, ნაწილისათვის კი სხვადასხვა პერიოდია განსაზღვრული.

2024 წლის 30 დეკემბრიდან უკვე ძალაშია:

- იკრძალება შეკრება-მანიფესტაციის დროს პიროტექნიკური ნაწარმის და ლაზერის გამოყენება - ჯარიმა 2 000 ლარი;

- იკრძალება „სახის ნიღბით ან ნებისმიერი სხვა საშუალებით დაფარვა“ - ისჯება 2 000-ლარიანი ჯარიმით;

- სატრანსპორტო საშუალებებით ორგანიზებულად გზის გადაკეტვა ან ჯგუფურ მოძრაობაში მონაწილეობა, როდესაც გზის სავალი ნაწილი სრულად არის დაკავებული, - ჯარიმდება 1 000 ლარით და მართვის უფლების ერთი წლის ჩამორთმევით ისჯება;

- საპროტესტო სტენსილის/წარწერის/პლაკატის უნებართვოდ განთავსება ქალაქის იერსახის დაზიანებისთვის ჯარიმდება 1000 ლარით - ნაცვლად აქამდე მოქმედი 50-ლარიანი ჯარიმისა; განმეორებით დაჯარიმება 2000- და 3000-ლარიან ჯარიმას უდრის;

- შსს-ის „სისტემაში დადგენილი“ ფორმის ან „მასთან მიმსგავსებული ატრიბუტიკის“ უკანონოდ ტარება 2000 ლარით ჯარიმდება;

- გზის გადაკეტვისას - თუ პოლიციამ ჩათვალა, რომ გადასაკეტად საკმარისი რაოდენობის დემონსტრანტი არ ყოფილა - გაზრდილია ადმინისტრაციული ჯარიმები - 5 000 ლარი ნაცვლად 500-ისა მონაწილეობისათვის, ხოლო „ორგანიზებისათვის“ - 15 000 ლარი 5 000-ის ნაცვლად).

ადამიანის უფლებადამცველები უწოდებენ მათ უწოდებენ, “დრაკონულს“, „რეპრესიულს“, „შემზღუდავს“, „სადამსჯელოსა“ და „არადემოკრატიულს“.