ზუგდიდში, ისევე როგორც საქართველოს სხვა ქალაქებში, უკვე 56 დღეა მიმდინარეობს პროტესტი.
აქციაზე იმყოფებიან სხვადასხვა თაობის ადამიანები, აქტივისტები, არასამთავრობო სექტორის წარმომადგენლები და ოპოზიციური პარტიების წევრები.

აქ სიტყვით გამომსველელბმა მიმართეს შეკრებილებს და კიდევ ერთხელ სოლიდარობა გამოუცხადეს ბათუმელებისა“ და „ნეტგაზეთის“ დამფუძნებლს, მზია ამაღლობელს, რომელიც 11 იანვარს დააკავეს.

აქციაზე მონაწილეებმა, ისევე, როგორც წინა დღეებში, საქართველოს და ევროკავშირის დროშები მიიტანეს.

ორგანიზატორებმა მიმოიხილეს მიმდინარე მოვლენები და ასევე მორიგი აქცია სახელწოდებით ,,თავისუფლება სინდისის პატიმრებს’’ 24 იანვარს დაანონსეს. მათი თქმით, მნიშვნელოვანია, რომ აქციაზე დაკავებული პატიმრების ოჯახის წევრებთან, ახლობლებთან და თანამებრძოლებთან ერთად გააგონონ ხმა რეჟიმს.

შეგახსენებთ, მას შემდეგ, რაც 28 ნოემბერს, ირაკლი კობახიძემ განაცხადა, რომ 2028 წლის ბოლომდე საქართველო ევროკავშირთან მოლაპარაკებების გახსნის საკითხს დღის წესრიგში არ დააყენებს, საქართველოს სხვადასხვა ქალაქში, მათ შორის ზუგდიდში, პერმანენტული საპროტესტო აქციები იმართება.