მარტვილის მუნიციპალიტეტის მერია უმეთვალყურეოდ დარჩენილი 100 ძაღლის დროებით თავშესაფარში გადასაყვანად 17 000 ლარს გამოყოფს. ტენდერი სახელმწიფო შესყიდვების ვებ გვერდზე უკვე გამოქვეყნდა.

დოკუმენტაციის მიხედვით, უსახლკარო ცხოველების დაჭერა და თავშესაფარში განთავსება (იზოლირება) უნდა მოხდეს საერთაშორისო სტანდარტების მოთხოვნების შესაბამისად, ჰუმანური მეთოდებით.

ამასთან, ტენდერში გამარჯვებულმა უნდა უზრუნველყოს: ძაღლის დეჰელმენტიზაცია (დამუშავება ჭიებზე, გარე პარაზიტებზე), სტერილიზაცია/კასტრაცია, ვაქცინაცია, იდენტიფიკაცია (სპეციალური ძაღლისათვის განკუთვნილი ქარხნული დანომრილი საჭდით, ბირკით ან საჭიროების შემთხვევაში ჩიპით).

ყველა საჭირო პროცედურის შესრულების შემდგომ, კომპანიამ ცხოველი უნდა დააბრუნოს პირვანდელ, მიკედლების არეალში.

ტენდერში წინადადებები 9-11 თებერვალს მიიღება. გამარჯვებული ვალდებული იქნება ხელშეკრულებით გათვალისწინებული მოთხოვნები, ეტაპობრივად, 2025 წლის 31დეკემბრის ჩათვლით.