საქართველოში დიდი ბრიტანეთის საელჩო ეხმიანება კუპირებულ აფხაზეთის რეგიონში ე.წ. საპრეზიდენტო არჩევნების ჩატარებას და აღნიშნავს, რომ დიდი ბრიტანეთი არ აღიარებს „არჩევნების“ ლეგიტიმურობას.

„კიდევ ერთხელ ვადასტურებთ სრულ მხარდაჭერას საქართველოს ტერიტორიული მთლიანობისა და სუვერენიტეტის მიმართ, მის საერთაშორისოდ აღიარებულ საზღვრებში“,- ნათქვამია განცხადებაში.

ოკუპირებულ აფხაზეთში გამართული „არჩევნები“ დაგმეს უკრაინის საგარეო საქმეთა სამინისტრომ, ლიეტუვის საგარეო საქმეთა სამინისტრომ, საგარეო და უსაფრთხოების პოლიტიკის საკითხებში ევროკავშირის პრესსპიკერმა ანუარ ელ ანუნიმ.

საქართველოს საგარეო საქმეთა სამინისტრომ განცხადება 15 თებერვალს გაავრცელა და საერთაშორისო თანამეგობრობას მიმართა, სათანადოდ შეაფასოს და შესაბამისი რეაგირება მოახდინოს საქართველოს სუვერენიტეტისა და ტერიტორიული მთლიანობის ხელყოფისაკენ მიმართულ ქმედებებზე.

ცნობისთვის, აფხაზეთის დე ფაქტო რესპუბლიკაში 15 თებერვალს ვადამდელი „საპრეზიდენტო“ არჩევნები გაიმართა. ე.წ ცენტრალური საარჩევნო კომისიის შედეგებით, თვითგამოცხადებულ რესპუბლიკაში მეორე ტური 1 მარტს გაიმართება, რომელშიც მონაწილეობას მონაწილეობას ორი კანდიდატი მიიღებს, ასლან ბჟანიას თანაგუნდელი - ბადრა გუნბა და აფხაზი ოპოზიციონერი, ადგურ არძინბა.

ყოფილი “პრეზიდენტი” ასლან ბჟანია თანამდებობიდან 19 ნოემბერს გადადგა, რასაც წინ უსწრებდა ოპოზიციის პროტესტი და ე.წ. პარლამენტში სოხუმსა და მოსკოვს შორის საინვესტიციო ხელშეკრულების რატიფიცირების პროცესის ჩაშლა. მოგვიანებით, ე.წ. პარლამენტმა ჩააგდო რუსულ - აფხაზური საინვესტიციო შეთანხმების რატიფიცირების საკითხი.

ამავე თემაზე:

აფხაზურმა "ცესკომ" თურქეთში საარჩევნო უბანი დახურა

აფხაზეთში არჩევნები შედგა, ამომრჩეველთა აქტივობამ 55% შეადგინა - დე ფაქტო ცესკო

ასლან ბჟანია გადადგა

სოხუმში „პარლამენტმა“ მხარი არ დაუჭირა მოსკოვთან საინვესტიციო შეთანხმების რატიფიცირების საკითხს

ოკუპირებულ აფხაზეთში „საპრეზიდენტო“ არჩევნების მეორე ტური 1 მარტს გაიმართება

საგარეო საქმეთა სამინისტრო გმობს ოკუპირებულ აფხაზეთში ე.წ. საპრეზიდენტო არჩევნების ჩატარებას

ოკუპირებულ აფხაზეთში ვადამდელი „საპრეზიდენტო“ არჩევნები მიმდინარეობს