შინაგან საქმეთა სამინისტროს საინფორმაციო-ანალიტიკური დეპარტამენტის სტატისტიკით, გასულ წელს სამეგრელო-ზემო სვანეთში 121 718 ვიდეოჯარიმა აღირიცხა.

ამავე მონაცემებით, ვიდეოჯარიმებიდან ბიუჯეტში შესულმა თანხამ 6 993 020 ლარი შეადგინა. 49 912 სამართალდამრღვევმა კი 20%-იანი შეღავათით ისარგებლა და 1 992 504 ლარი გადაიხადა.

მუნიციპალიტეტების მიხედვით, დარიცხული თანხა შემდეგნაირად ნაწილდება:

ზუგდიდი - 3 463 470 ლარი

სენაკი - 436 500 ლარი

ფოთი - 837 100 ლარი

ხობი - 237 950 ლარი

ცნობისთვის, შსს-ს ინფორმაციით, 2024 წლის 31 დეკემბრის მდგომარეობით, სამეგრელო-ზემო სვანეთის მასშტაბით ჯამში 813 "ჭკვიანი" კამერაა დამონტაჟებული. აქედან 486 ზოგადი ხედვის, 327 კი ნომრის ამომცნობი ვიდეო სამეთვალყურეო სისტემაა.

საქართველოში ავტოტრანსპორტის კონტროლისთვის სულ 8334 ვიდეო კამერა მოქმედებს.