ზუგდიდის მუნიციპალიტეტის საკრებულოს სხდომაზე, რომელზეც გახარიას პარტიიდან საკრებულოს თავმჯდომარე, ასევე, მისი ორივე მოადგილე და კომისიების თავმჯდომარეები უნდა გადაეყენებინათ, არ გამოცხადდნენ "ერთიანი
ნაციონალური მოძრაობის წევრები. რეგისტრაცია არ გაიარეს "ქართული ოცნების დეპუტატებმა.
![](/images/temp/2024/05/31/72f554ef684d0be44318e3b95b689e60.jpg)
ისინი სხდომათა დარბაზში საჯარო მოხელეებთან და მერიის ა(ა)იპ-ების თანამშრომლებთან ერთად შევიდნენ და დამსწრეებს "ქართული" კანონის მიღება მიულოცეს. სწორედ ასე უწოდებენ ისინი "აგენტების" კანონს.
![](/images/temp/2024/05/31/4355c32f1b1ebc112d897ababf579990.jpg)
პარალელურად, დარბაზში არასამთავრობო ორგანიზაციის წარმომადგენლებმა და აქტივისტებმა კანონის მიღება გააპროტესტეს. მათ ხელში ეჭირათ ევროკავშირის დროშა და პლაკატი წარწერით "არა რუსულ კანონს".
![](/images/temp/2024/05/31/ba1802bf95c3e49458fce3aecddb5a36.jpg)
"ქართული ოცნების" მილოცვას მოჰყვა პოლიტიკური ბრალდებები, ხმაური და დაპირისპირება, რის შემდეგაც, მოგვიანებით, სხდომა დატოვეს ფრაქცია "ახალის" წევრებმა და საკრებულოს თავმჯდომარემ სხდომა ჩაშლილად გამოაცხადა.
![](/images/temp/2024/05/31/7c9e8224cb3c53c9d3046653d1cc38eb.jpg)
საკრებულოს ოპოზიციონერი წევრები "ქართული ოცნების" ქმედებას მიზანმიმართულ პროვოკაციას უწოდებენ.
![](/images/temp/2024/05/31/fd2e1aba0e241b3261665e12665ff00b.jpg)
თავის მხრივ, ქართულ ოცნებაში ამბობენ, რომ მოლოდინი აქვთ, შემდეგ სხდომაზე მათ მიერ ინიციირებული საკითხი აუცილებლად დადგება და სასურველ შედეგს მიაღწევენ.
![](/images/temp/2024/05/31/f8bde88719905908014d2622b976cd6a.jpg)
ინფორმაციისთვის, 10 აპრილს ზუგდიდის მუნიციპალიტეტის საკრებულოში "ქართულმა ოცნებამ" და "ხალხის ძალამ" საკრებულოს ოპოზიციონერი თავმჯდომარისა და კომისიების წევრთა იმპიჩმენტის შესახებ წინადადება დაარეგისტრირა.
დღის წესრიგის მიხედვით, წარმომადგენლობით ორგანოს ოპოზიციონერი თავმჯდომარის, გახარიას პარტია "საქართველოსთვის" წარმომადგენლის გიგა ფარულავას, მისი სამივე მოადგილის - ამავე პარტიის წევრ მალხაზ თორიას, ყოფილი ენმ-სა და ამჟამად "ახალის" წევრების თემურ ბასილაიასა და კახაბერ ჩანგელიას პოსტებიდან გადაყენების საკითხებზე უნდა ემსჯელა.
პროცესს, ასევე, წინ უძღოდა ბოიკოტი. საკრებულოში სხდომის ჩასატარებლად ხუთჯერ ვერ შედგა კვორუმი, რადგან "ქართული ოცნებისა" და "ნაციონალური მოძრაობის" არცერთი წევრი მას არ დასწრებია.
გადაწყვეტილების მისაღებად, 45 მანდატიან საკრებულოში, სულ ცოტა, 23 ხმაა საჭირო, თუმცა, "ქართულ ოცნებას" მხოლოდ 20 წარმომადგენელი ჰყავს.
ამავე თემაზე:
საკრებულოს სხდომა, რომელზეც თავმჯდომარის გადაყენება უნდა განიხილონ, დროებით გადაიდო
საკრებულოს სხდომა, რომელზეც თავმჯდომარის გადაყენება უნდა განიხილონ, დროებით გადაიდო
ოპოზიციონერი თავმჯდომარისა და კომისიების ხელმძღვანელების გადაყენება, შეუმდგარი კვორუმი და ბრალდებები - რა ხდება ზუგდიდის საკრებულოში
პოლიტიკური კონსულტაციების გამო არ ვესწრებოდით - "ქართული ოცნება" საკრებულოში მივიდა
მასალის გამოყენების პირობები