საქართველოს განათლების, მეცნიერებისა და ახალგაზრდობის სამინისტროს ინფორმაციით, დამტკიცდა ზოგადი განათლების ეროვნული მიზნების ახალი დოკუმენტი, რომელიც მათი თქმით, რამდენიმე კვირიანი საჯარო განხილვებისა და სხვადასხვა უწყების, ორგანიზაციების თანამონაწილეობით მომზადდა.

ამავე ცნობით, დოკუმენტი ეფუძნება ისეთ ღირებულებებსა და პრინციპებს, როგორიც არის:

პატრიოტიზმი და ეროვნული სულისკვეთება

სახელმწიფოებრივი აზროვნება

ოჯახის ინსტიტუტის პატივისცემა

სახელმწიფო ენა, ისტორია და კულტურა

ეთნიკური მრავალფეროვნება და კულტურული მემკვიდრეობა

თავისუფალი, დემოკრატიული და მშვიდობიანი საზოგადოება

სამართლებრივი და სოციალური სახელმწიფოს მშენებლობა

მდგრადი განვითარება და საზოგადოების კეთილდღეობა

ინკლუზია, ტოლერანტობა და სამართლიანობა

მაღალი სამოქალაქო ცნობიერება

ზოგადსაკაცობრიო ზნეობრივი, მორალური და ეთიკური პრინციპები

უფლებები, ვალდებულებები და სოციალური პასუხისმგებლობა

გარემოსდაცვითი ცნობიერება, ჯანსაღი ცხოვრების წესი და ფიზიკური, ესთეტიკური, სოციო-ემოციური განვითარება

ანალიტიკური და კრიტიკული აზროვნება

აკადემიური ცოდნა და წიგნიერება

კომუნიკაციის მაღალი კულტურა

ციფრული მოქალაქეობა, შემოქმედებითობა და სიახლეთა მიმღებლობა", - ვკითხულობთ ინფორმაციაში.

შეგახსენებთ, აღნიშნული დოკუმენტი სამინისტრომ 22 აპრილს წარადგინა. ის განათლების სფეროს ერთგვარი კონსტიტუციაა, რომელიც 2004 წელს დამტკიცდა და 20 წლის განმავლობაში არ შეცვლილა.