მოძრაობა "ბალდის კანიონის შესანარჩუნებლად" ეხმიანება ქვეყანაში მიმდინარე მოვლენებს და სოციალურ ქსელში წერს, რომ საქართველოს კეთილდღეობისთვის მებრძოლი მოქალაქეების გამარჯვება გარდაუვალია.

"ჩვენი წინაპრების პატივსაცემად, რომლებმაც ქვეყნის დამოუკიდებლობისთვის იღვაწეს, იომეს და თავი გაწირეს;
ჩვენი ქვეყნის კეთილდღეობისთვის მებრძოლი თანამემამულეების მხარდასაჭერად და ერთმანეთის გასაძლიერებლად;
მომავალი თაობების წინაშე არსებული პასუხისმგებლობის გააზრებითა და გაცნობიერებით;
ვიბრძვით ბოლომდე. რუსეთი მტერია. გამარჯვება გარდაუვალია", - აღნიშნავენ მოძრაობის წევრები.

ცნობისთვის, მას შემდეგ, რაც 28 ნოემბერს, ირაკლი კობახიძემ განაცხადა, რომ 2028 წლის ბოლომდე საქართველო ევროკავშირთან მოლაპარაკებების გახსნის საკითხს დღის წესრიგში არ დააყენებს, საქართველოს სხვადასხვა ქალაქში საპროტესტო აქციები იმართება. დღეს, ზუგდიდში მოქალაქეები, სამოქალაქო აქტივისტები, არასამთავრობო ორგანიზაციების წარმომადგენლები და პოლიტიკოსები სამხარეო ადმინისტრაციის შენობის წინ შეიკრიბნენ. მათ ასევე მსვლელობით მოიარეს ქალაქის ქუჩები. მათი თქმით, დღეს საქართველოს ევროპული მომავლის ბედი წყდება და მნიშვნელოვანია, ყველამ დაიცვას ქვეყნის ისტორიული არჩევანი. 

ფოტო: ბალდის კანიონის შესანარჩუნებლად

ამავე თემაზე:

ზუგდიდელები ევროკავშირთან მოლაპარაკებების გახსნის საკითხის 2028 წლამდე შეჩერებას აპროტესტებენ (ფოტორეპორტაჟი)

დღეს რაც ხდება, ეს არის ერის ღალატი, - ზუგდიდში აქციის მონაწილეებმა შეკრებილებს მიმართეს (ფოტო/ვიდეო)

ზუგდიდის საპროტესტო აქციის მონაწილეებმა ჟურნალისტ გურამ როგავას სოლიდარობა გამოუცხადეს

ზუგდიდელი მასწავლებლები დროებით საგაკვეთილო პროცესს წყვეტენ

ზუგდიდში, სამხარეო ადმინისტრაციის წინ, საპროტესტო აქცია იმართება (ფოტო)

ვაპროტესტებთ საქართველოს რუსეთიზაციას, - ზუგდიდში აქციის მონაწილეებმა მსვლელობა გამართეს (ფოტო)