ზუგდიდის სკოლების მოსწავლეების ნაწილი, რომელიც დილიდან იფიცება, ამ წუთებში ზუგდიდის პირველ საჯარო სკოლასთან მივიდა. 

„აქ ძალიან ბევრი სკოლა არის 12- მდე, ასევე რუხის სკოლა, კერძო სკოლებიც, ჯი ელ სი და სხვ. ძალიან ბევრნი ვართ, კიდევ გვიერთდებიან, ჩვენ არ გავჩერდებით და ახლა მივდივართ პირველ სკოლასთან, რომელმაც ბავშვები გააჩერა, ნათია ხუფაცარიასთან, დირექტორთან, რომელმაც სპორტდარბაზში ჩაკეტა თავისი მოსწავლეები, ძალით და გაკვეთილებზე დააბრუნა“, - ამბობს მოსწავლეთა პროტესტის მონაწილე, მირიან ხუბულავა, მე 3 საჯარო სკოლის მოსწავლე.


მანამდე, ახალგაზრდები მსვლელობით დაიძრნენ სამხარეო ადმინისტრაციის შენობასთან, სადაც გაჩერდნენ და საჯარო მოხეელებს მოუწოდეს, შეუერთდნენ მათ ევროინტეგრაციის გზაზე.



„ჩვენი პროტესტი არის მშვიდობიანი, ჩვენი მთავარი მოთხოვნა არის ახალი არჩევნები, პროევროპული მთავრობა, იმიტომ, რომ ჩვენ გვინდა მომავალი, სადაც მივიღებთ უკეთეს განათლებას. ამ აქციებს, მსვლელობებს ექნება უწყვეტი სახე... მშობლებს არ გავუზრდივართ რუსული მომავლისთვის, ჩვენ ვართ ახალგაზრდები, რომლებსაც გვინდა განათლება, იმიტომ, რომ ამ განათლებით, ჩვენ უნდა ვემსახუროთ ჩვენი სახელმწიფოს სუვერენიტეტს“, - გვითხრა ლუკა გერზმავამ, სამოქალაქო აქტივისტმა, ზუგდიდის მე- 11 საჯარო სკოლის მოსწავლემ.



ზუგდიდის სკოლის მოსწავლეების ნაწილი დილიდან იფიცება.