რუსეთის დუმამ გადაწყვიტა გადადოს ოკუპირებულ აფხაზეთთან „სავაჭრო რეჟიმის შესახებ“ შეთანხმების ოქმის რატიფიცირება, ამის შესახებ რუსული „რია ნოვოსტი“ წერს.

რუსული პროპაგანდსიტული მედიის თანახმად, "30 ოქტომბერს მოსკოვმა და სოხუმმა ხელი მოაწერეს საინვესტიციო ხელშეკრულებას. ე.წ. პარლამენტს რატიფიკაციის საკითხი 15 ნოემბერს უნდა განეხილა, თუმცა, „ოპოზიცია წინააღმდეგი იყო და არეულობა მოაწყო“.

რუსეთის პრეზიდენტმა ვლადიმერ პუტინმა ოკუპირებულ აფხაზეთთან "სავაჭრო რეჟიმის შესახებ მთავრობათაშორისი შეთანხმების ოქმის რატიფიცირების შესახებ" კანონს 2023 წლის ოქტომბერში მოაწერა ხელი.

ამავე წლის ნოემბერში, რუსეთმა დე ფაქტო რესპუბლიკასი გათხევადებული აირის "უბაჟო ექსპორტის" შესახებ ოქმის რატიფიცირება მოახდინა.

9 დეკემბერს, ცნობილი გახდა, რომ დღეიდან, აფხაზეთის დე ფაქტო რესპუბლიკაში, 00:00 საათიდან 07:00 საათამდე, ინტერნეტი გაითიშება. ხოლო, 11 - დან 17 დეკემბრის ჩათვლით, სასწავლო - სააღზრდელო პროცესი შეჩერდება სკოლებსა და ბაღებში.

ე.წ. მთავრობაში აცხადებენ, რომ ელექტროენერგიის მიწოდების კუთხით მდგომარეობა შეიძლება გაუარესდეს, თუ სოხუმი რუსულ ელექტროენერგიაში კომერციულ ფასს ვერ გადაიხდის.

უფრო ადრე, კომპანია "ჩერნომორენერგომ" განაცხადა, რომ დღისით მოსახლეობას ელექტროენერგია მხოლოდ 4 საათით მიეწოდება.

შეგახსენებთ, რომ აფხაზი ლიდერის ასლან ბჟანიას გადადგომის და „საინვესტიციო ხელშეკრულების“ ჩაგდების შემდეგ, შემდეგ რუსეთმა თითქმის სრულად შეაჩერა ოკუპირებული აფხაზეთის ბიუჯეტის დაფინანსება.